Bondi (Closed)

晚餐約左同事黎呢到食，因同事話呢度雖然工廈，都有佢既特色係度咁話。先黎蕃茄湯，好香濃蕃茄味道，仲有蕃茄皮係度，證明真材實料，實而不華。頭盤仲有煙肉焗蠔添，焗到蠔汁儲晒係裡面，煙肉令蠔肉更鮮，口感仲滑滑地，仲要係打孖上添呀。主菜係蟹肉菠菜忌廉汁扁意粉，蟹肉份量夠多之外，味道仲相當鮮甜呀，配以菠菜將多餘既蟹肉汁吸收晒，所以菠菜食落都有鮮味架，至於扁意粉質感彈牙，仲充滿忌廉汁同蟹汁既精華添。最後食埋個紅莓布甸，口感滑滑，仲滑過雞蛋，紅莓味道帶甜，令整餐更滿足。