餃餃餃子 (Closed)

住喺黃埔咁耐，周圍都算係「覓食」天堂，見到呢間餃子個裝修幾有日式feel，搵日就叫埋附近做嘢嘅friend一齊「餃掂佢」！  入到去間舖細雖然細間，但座位距離適中舒服，抵讚！叫咗牆上張post介紹嘅牛油味雞軟骨、招牌菜特長「蝦蟹餃」同Chao Chao餃、芽菜一小碟，當然唔少得我呢個雞翼迷必叫嘅「雞翼餃子」，見到聞到師傅嘅烹調過程，個肚都打晒鼓呀！好彩唔駛好耐已經上菜，店員幾有禮貌，配合返日本傳統… 先嚟前菜雞軟骨，入口好甘香充滿牛油香味，夠晒重口味！下次試埋個柚子味先~~ 送埋香濃麻油味嘅芽菜就fit晒！食晒都未夠喉，好彩即嚟主食「蝦蟹餃」同Chao Chao餃，可以大快朵頤— 睇返「蝦蟹餃」其實係叫「蟹肉海老特長豪華餃子棒」，連個名都長過人！食落幾足料，啲餃子皮煎得夠香夠滑；至於Chao Chao餃味道同平時餃子差唔多，不過份量十足，男人食都夠。試埋個雞翼，一咬開啲餃子餡好香又夠熱，雞翼亦好香脆，值得encore！食到飽晒，但硬係差啲嘢…整返個甜品先！Menu個「朱古力餃子」配雪糕賣相幾吸引，即嚟一人一客—朱古力餃子甜度適中，因為本身都唔好太甜，啱啱好！餃子皮亦係一貫嘅薄身，個雪糕