Video
Read full review
2019-08-10
3453 views
同男朋友係海洋公園玩左成日, 出番嚟之後又未諗到食咩, 於是就上網睇下銅鑼灣, 灣仔有咩特別野好食🤔 咁岩見到有間日式餃子專門店, 我e個餃子控緊係要去試下啦🥟🥟😍😍😋😋 去到都幾多人, 餐廳唔算大, 好似日式嘅居酒屋咁, 店員安排左我地坐係吧枱嘅位置😊 打開個餐牌, 係餃子, 全部都係餃子呀😆😆 入面有太多種類, 而且好多特色餃子, 樣樣都想試🙈 最後我地叫左幾款餃子,一款小食, 一個飯同一個甜品😋👏🏻👏🏻SHAKE SHAKE餃子, 顧名思義就係將袋入面嘅即炸餃子加埋調味粉嚟SHAKE, 佢有3款調味粉比你揀: 梅子鰹魚味, 醬油牛油味同粟米濃湯味🌽我地就揀左梅子鏗魚味, 一打開包粉已經好重梅子味, Shake完之後打開個袋, 梅子味餃子登場🙈👏🏻👏🏻 梅子粉好均勻咁痴住餃子嘅表面, 咬落去好熱, 非常脆同香口, 梅子粉加埋入面嘅少少油同肉汁, 味道唔錯, 非常開胃😋😋牛肉薯餅🐂 薯餅香脆可口, 牛肉碎都ok多, 味道不過不失😊餃子4種盛合⬆️⬆️包括有Puri Puri海老餃子🦐, Mochi Mochi磨菇餃子🍄🥟, 日式京都九条葱餃子同椰菜豚肉餃子, 每款2隻😊 一次過可以試4
SHAKE SHAKE餃子, 顧名思義就係將袋入面嘅即炸餃子加埋調味粉嚟SHAKE, 佢有3款調味粉比你揀: 梅子鰹魚味, 醬油牛油味同粟米濃湯味🌽
我地就揀左梅子鏗魚味, 一打開包粉已經好重梅子味, Shake完之後打開個袋, 梅子味餃子登場🙈👏🏻👏🏻 梅子粉好均勻咁痴住餃子嘅表面, 咬落去好熱, 非常脆同香口, 梅子粉加埋入面嘅少少油同肉汁, 味道唔錯, 非常開胃😋😋
牛肉薯餅🐂 薯餅香脆可口, 牛肉碎都ok多, 味道不過不失😊
餃子4種盛合⬆️⬆️包括有Puri Puri海老餃子🦐, Mochi Mochi磨菇餃子🍄🥟, 日式京都九条葱餃子同椰菜豚肉餃子, 每款2隻😊 一次過可以試4款餃子, 岩哂我e d三心兩意嘅人🙈 佢有少少鹽比你點嚟食嘅, 海老餃子有d似平時嘅中式蝦餃, 磨菇餃子幾特別, 京都九条葱餃子嘅蔥味幾香, 椰菜豚肉餃子不過不失😊
日式咖喱飯🍛 咖喱好香, 唔辣嘅, 味道唔錯!
塩麴新鮮椰菜, 椰菜好新鮮, 少少甜, 咬落去幾爽口同幾脆, 加上塩麴, 味道咸咸地, 幾好味嘅前菜😋
CHAO CHAO餃子, 係最common嘅日式煎餃, 好香同脆, 咬落去d煙都出哂嚟, 而且煎得幾好, 有少少焦, 正😋
朱古力香蕉餃子🍫🍌🥟 最期待嘅野出場啦, 甜嘅餃子真係未食過, 一上枱已經急不及侍想試, 餃子出面有朱古力醬同花生粒, 脆脆嘅餃子皮入面包住香蕉, 味道唔錯, 幾特別😊
Post
