好茶養生 (MOKO新世紀廣場) (Closed)

我哋之前飲過啲台式飲料都偏甜同多調味， 近期想注重健康同減肥，飲呢間台飲無咁罪惡感。 嗰日行街經過Moko Mall 嘆下午茶，Tea & Cake Set抵啲$58，自選飲品一杯同蛋糕一件 。士多啤梨千層批$𝟜𝟠花心思、時間嘅製作，用透明小盒子裝住，顯得衞生同精緻，每層搽上士多啤梨味既吉士，千層酥皮唔算脆，係鬆化偏腍。皇牌氣血茶 $𝟹𝟾幾足料，有桂圓、康仙花、金盞菊、玫瑰、黑枸杞同紅棗等， 甜味自然，可以疏肝解鬱，更加啱女仔冬天飲，可以暖宮驅寒。