好茶養生 (MOKO新世紀廣場) (Closed)

上星期去睇牙醫，洗牙後發現自己有好多隻蛀牙。於是，我要開始健康人生啦，食少啲糖同埋零食，開始返每晚用牙線清潔牙縫。不過我有一個陋習，我好鍾意飲珍珠奶茶，有時啲好Q彈嘅珍珠會攝咗喺牙縫中間。所以，依家開始只可以揀一啲健康嘅飲品。今日經過MOKO見到呢一間養生之選，$58包一杯茶同一件蛋糕，一於同朋友去試一試，順便補足生日。除咗現場即沖嘅茶之外，佢仲有一啲養生嘅產品，好似一啲包裝好嘅茶包、果乾等。呢間茶飲店係香港品牌，一定要更加支持啦！估唔到佢啲茶好飲之外，蛋糕都製作好精美，個賣相可以媲美一啲酒店給嘅精緻糕點呢！士多啤梨千層酥千層酥好鬆脆，總共有四層，每層之間都加咗一啲士多啤梨嘅cream。果樣啫喱蛋糕個樣好靚，透明嘅啫喱包住唔同嘅水果，有士多啤梨、藍莓、花等。下邊有一層凍cream，再加餅底，成個組合都配搭。水果茶清新，健康，可口，有蘋果乾、橙、青檸、菠蘿乾，最抵仲有一啲士多啤梨蓉，飲落去微甜的。冰糖雪梨銀菊露慢慢睇住個菊花喺個水入邊慢慢打開，開花，感覺都好治癒。飲落去係一個舒服嘅感覺。潤喉潤肺，把聲都即刻精神晒！估唔到飲台式飲品都可以好健康，仲有養生嘅療效，飲多啲都唔怕啦！