Video
Read full review
2023-07-12
211 views
🌟餐廳：德意餐廳📍地址：大埔翠怡街3號翠怡花園1樓19號舖💰價位：～$100- $200📱電話：34800701提起德國菜，相信一定會諗起德國鹹豬手同德國啤酒呢一啲傳統嘅德國美食～朋友仔今日就帶我黎到大埔試下呢一間剛開業嘅德國及意大利菜餐廳「德意餐廳」，餐廳主打地道德國菜式，價錢又親民而且性價比極高，一於去擦翻餐先～———————————————————🌟熱熔芝士紐西蘭牛柳套餐🌟🔹 是日餐湯及蒜蓉包-是日廚師推介既餐湯係香濃蘑菇湯～以大量蘑菇打碎熬煮，蘑菇味超濃郁；搭配香脆可口既蒜蓉包，perfectly matched!🔹 B&E 特色沙律 加配煙三文魚-沙律菜用上羅馬生菜等新鮮蔬菜，食落夠爽脆，配料加入炸麵包粒、芝士碎等，夠晒豐富，上層仲鋪滿厚厚既煙三文魚，口感一流～🔹 蕃茄巴馬風乾火腿薄餅-先來試吓呢一款意大利菜主打既薄餅先～配料用上濃郁蕃茄醬、巴馬風乾火腿及大量芝士，材料豐富，充滿意式風情，餅底外層香脆，咬落又夠鬆軟，食得好滿足～🔹 招牌德國鹹豬手配酸菜及薯蓉-主角出場，原隻德國鹹豬手熱辣辣呈上～鹹豬手焗炸至外層香脆，內層肉質保持Juicy 及滑嫩，好出色～配菜用上德國酸菜，搭
📍地址：大埔翠怡街3號翠怡花園1樓19號舖
💰價位：～$100- $200
📱電話：34800701
提起德國菜，相信一定會諗起德國鹹豬手同德國啤酒呢一啲傳統嘅德國美食～
朋友仔今日就帶我黎到大埔試下呢一間剛開業嘅德國及意大利菜餐廳「德意餐廳」，餐廳主打地道德國菜式，價錢又親民而且性價比極高，一於去擦翻餐先～
———————————————————
🌟熱熔芝士紐西蘭牛柳套餐🌟
🔹 是日餐湯及蒜蓉包
-是日廚師推介既餐湯係香濃蘑菇湯～以大量蘑菇打碎熬煮，蘑菇味超濃郁；搭配香脆可口既蒜蓉包，perfectly matched!
🔹 B&E 特色沙律 加配煙三文魚
-沙律菜用上羅馬生菜等新鮮蔬菜，食落夠爽脆，配料加入炸麵包粒、芝士碎等，夠晒豐富，上層仲鋪滿厚厚既煙三文魚，口感一流～
🔹 蕃茄巴馬風乾火腿薄餅
-先來試吓呢一款意大利菜主打既薄餅先～配料用上濃郁蕃茄醬、巴馬風乾火腿及大量芝士，材料豐富，充滿意式風情，餅底外層香脆，咬落又夠鬆軟，食得好滿足～
🔹 招牌德國鹹豬手配酸菜及薯蓉
-主角出場，原隻德國鹹豬手熱辣辣呈上～鹹豬手焗炸至外層香脆，內層肉質保持Juicy 及滑嫩，好出色～配菜用上德國酸菜，搭配鹹豬手一齊食，惹味得黎又解膩；旁邊仲有一大球薯蓉，口感滑順，成個配搭好滋味～值得一提餐廳仲奉上德國巴伐利亞結狀麵包用嚟搭配豬手一齊食，外層咸香，口感煙韌，係好傳統既德國麵包～
🔹 德國小麥黑啤（生啤）
-食德國菜點少得嘆番杯德國製造既生啤，我就揀咗麥味濃郁既黑啤，啤酒嘅泡沫入口好滑順，而且小麥味夠濃厚，無論搭配前菜沙律或者鹹豬手都好適合，簡直係絕配～
🔹 蘋果汁
-朋友仔就叫左杯蘋果汁，微微酸解渴一流～
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳主打嘅德國及意大利菜，菜式夠地道，而且價錢親民，剛開業亦深受附近街坊歡迎～
食物方面，我就最欣賞招牌德國鹹豬手，份量十足之餘，烹調手法亦好出色，必試～
餐廳另外仲提供德國腸拼盤及其他手工意粉，啱晒一家大細黎刷返餐；餐廳亦有happy hour，主打各款德國生啤，好啱同朋友黎chill下寫意下～
Post
