阿杏飯團 (東海商業中心)

Open Now

Now Closed

如果買飯團加飲品，全單有85折，不過我唔中意飲甜野，加上本身係衝住飯團而嚟，結果只買左個招牌飯團。新宿燒汁牛扒飯團 $38飯團即叫即卷，非常辣手，如果冬天食應該會好正，但當日氣溫30度，係條街度食都幾攞命😂。飯團Size唔細，如果拆番開，應該都有大半碗飯。本身以為係白米飯，打開先知原來係紅米，仲要係糯米添😯，好飽肚。糯米好有口感，粒粒分明😋；餡料豐富，除左牛肉外，仲有肉鬆、熟椰菜絲、炒菇、沙律汁，幾樣野配合得好好，食落唔會乾淨淨，好好味🤤。牛肉出乎預料嘅軟淋，雖然無乜牛味，但呢個價錢可以接受。本身想切開個飯團影張靚相，但職員告知無切開服務，但食評D相明明切開哂….唔通食客自備刀仔?! 🤔溫馨一提，如果想同朋友share飯團，請自備刀仔。