甜品老媽 (Closed)

是日食完川菜辣得制，決定行過東大街食甜品老媽。自從東大街呢幾年出名後，食肆越開越多，鋪租搞到價錢越來越高，但同時都好多鋪頭做唔住要執，甜品老媽做得都算耐啦，個質素keep得住同埋價錢都唔算高得嚇人（雖然都唔平）。今次order左綠豆上完丸、杏仁糊同抹茶心太軟。同兩個都算系咁，中規中矩，唔會太甜。就系就湯丸太硬要扣分。最贊都系算個抹茶心太軟，個人不好朱古力所以order左抹茶味（40幾蚊）。D外層蛋糕好香，個皮焗得脆脆地同埋中間d蛋糕好軟。流出熱熱地抹茶沾埋食，之後可以溝埋雪糕，三樣一起放入口，perfect！總結甜品老媽入面d嘢食唔會太甜，用料好好，d大型連鎖X記XX山根本冇得比。