魚之神日本料理 (Closed)

一出地鐵站，望左手邊，就見到哩間有紅燈籠既餐廳，好明顯就食日本野啦。餐牌有三百零蚊既二人餐，如果唔想用腦，都係一個唔錯選擇。不過有人話要散叫，所以就叫左一個叉燒湯烏冬，一個滑蛋雞柳飯同一個什錦刺身飯。小食係蟹肉餅。一試就知餐廳水準，樣樣都味道中上，賣相唔錯，惟一係滑蛋唔夠蛋咁，汁又少左少少。不過以價錢黎講，其實係合格有餘既。簡單一句，合理價錢，合理質素，刺身算係有驚喜既。