Video
Read full review
2010-02-27
33 views
26-2-2010近期頻頻去大坑/天后一帶開餐, 今次試試呢間日式咖喱店, 不過目的只有一個 -- creme caramel! 先嚟我的凍抹茶牛奶, as expected 面頭有唔少 cream, 又灑了點綠茶粉, 下面的抹茶雖然奶味比綠茶味重, 不過夠凍又夠晒香滑, 甜度 ok, 都幾好飲.主食的揀了咖喱吉列蠔飯: 飯係「疑似珍珠米」, 食落濕濕腍腍, 唔覺米香;「中辣」咖喱汁內有大量洋, 一如日本咖喱的甜, 幾乎唔辣 (連我都話唔辣, 可想而知有幾唔辣!), 一般香, 食到後期仲覺得有點酸 (?), 唔太喜歡; serve 時吉列蠔幾厚的炸皮已浸到濕晒, 食落鮮甜味一般, 蠔肉有點實, 炸過火喎. 朋友食蛋包飯: 又一「蛋皮包飯」, 真係 飯內混了粒粒青椒, 紅蘿蔔 etc, 帶茄汁的少少酸味, 好熱, 不過勁濕;「蛋皮」層就唔熱的, 幾老, 食落又無喱味道, 加埋面頭一大 pat 勁酸嗆的 ketchup (係「地記」定 Heinz 牌? ), 食落當然只有單調的茄汁味. 唔係好掂的一客所謂蛋包飯, 可以不試.半熟蛋: 是否北海道雞蛋無所考究, 不過蛋黃顏色又
近期頻頻去大坑/天后一帶開餐, 今次試試呢間日式咖喱店, 不過目的只有一個 -- creme caramel!
先嚟我的凍抹茶牛奶, as expected 面頭有唔少 cream, 又灑了點綠茶粉, 下面的抹茶雖然奶味比綠茶味重, 不過夠凍又夠晒香滑, 甜度 ok, 都幾好飲.
主食的揀了咖喱吉列蠔飯: 飯係「疑似珍珠米」, 食落濕濕腍腍, 唔覺米香;「中辣」咖喱汁內有大量洋, 一如日本咖喱的甜, 幾乎唔辣 (連我都話唔辣, 可想而知有幾唔辣!), 一般香, 食到後期仲覺得有點酸 (?), 唔太喜歡; serve 時吉列蠔幾厚的炸皮已浸到濕晒, 食落鮮甜味一般, 蠔肉有點實, 炸過火喎.
朋友食蛋包飯: 又一「蛋皮包飯」, 真係 飯內混了粒粒青椒, 紅蘿蔔 etc, 帶茄汁的少少酸味, 好熱, 不過勁濕;「蛋皮」層就唔熱的, 幾老, 食落又無喱味道, 加埋面頭一大 pat 勁酸嗆的 ketchup (係「地記」定 Heinz 牌? ), 食落當然只有單調的茄汁味. 唔係好掂的一客所謂蛋包飯, 可以不試.
半熟蛋: 是否北海道雞蛋無所考究, 不過蛋黃顏色又真係比好多地方的「橙」及靚, 亦做得夠溏心, 蛋白亦滑, 不過還是「味玉」version 較啱口味.
期待已久的「焦糖布丁」則令人少少失望... 賣相皺皮得很, 雖然 caramel 汁先香甜後帶點甘, 但布丁實在嚡了 d, 蛋香/呍呢嗱香亦一般, 還是大戶屋的同類出品 (http://www.openrice.com/restaurant/commentdetail.htm?commentid=2028298) 好得多.
環境幾乾淨光猛, 除咗喺身邊飛來飛去的小昆蟲之外 店員姐姐亦幾有禮貌, 配套叫不錯吧.
埋單每人約 $130, 食物一般, 我覺得唔抵食, 應該唔會再來了.
Post
