下站帖 (Closed)

朋友推薦我尖沙咀有一間黑糖珍珠奶好好味，話係台灣人打理， 所以放工過嚟飲番杯🤤我叫咗一杯黑糖太極厚醇奶，上面係有芝麻同埋花生，加埋落去杯黑糖珍珠奶度，估唔到係咁夾， 一試即刻愛上😍初頭仲好驚有啲粉係上面會搞到入口個感覺無咁好，但係竟然仲好香滑👍🏻黑糖唔會太甜，奶香都好足，可以飲得出係用鮮奶☺而且珍珠好煙韌，口感相當唔錯。果然小店比起大型連鎖店好飲多多聲！太好味嘅關係所以外賣多咗杯黑糖仙草厚醇奶比男朋友🙈連佢平時唔係咁鍾意飲黑糖珍珠奶都話好好味🤣順帶一提我個人覺得呢度仲做得好好嘅地方係佢可以比客人選擇甜度同冰，有好多黑糖珍珠奶嘅店舖都唔俾人選擇，所以好推薦大家黎👍🏻👍🏻👍🏻