饞。台式食堂 (如心廣場二期)

Open Now

Now Closed

喺荃灣行完街去左呢間台灣嘢食午餐🫶🏻主打台灣夜市必備嘅香口炸物同埋滷肉類飯餐 當然唔少得珍珠奶茶等等各類台式飲品 叫左個香香雞柳滷肉飯 ($59) 果然幾惹味 雞柳非常香脆 外皮炸衣唔算好粉好厚 係平時食開嗰種吉列炸皮 帶少少肉汁 唔嚡口 撈埋滷肉汁、粟米、酸菜 好易食哂成碗😆仲有藥燉排骨麵($72) 湯底清甜又帶藥材香 排骨大件厚肉 麵質幾得意 淋淋地有啲似以前細個食嗰隻蟹黃麵 小食亦好多夜市炸物 叫左個蝦卷($42) 外層微脆 內裡幾彈牙 仲加左杯三寶奶茶(+$20) 有齊珍珠、椰果、仙草 口感好豐富 抹茶珍奶(+$18)茶味好濃 飲落香滑 珍珠煙韌🤭