Video
Read full review
2011-02-21
27 views
出開旺角，唔食街頭小食都唔似出嚟旺角！沿西洋菜街行吓行吓，無意中轉入登打士街，見到有間小店外好多人，順道一看，正是「萬家燒餅皇」。睇番店內重播電視飲食節目片段，令我記得...就係呢間燒餅小店！燒餅種類繁多，有咸、有甜、有凍食、有熱食。價錢大致上由 $5 ~ $12 不等，相當大眾化！有大大個泡芙，惹人垂涎！有些燒餅名字幾特別！例如：淑女餅、武大郎、牙擦酥 ... 聽個名都唔知係咩？一問其貌不揚嘅女店員，逐一回答，服務態度算不錯！ 淑女餅 - 炸菜肉絲武大郎 - 菜圃豬肉 牙擦酥 - 豆沙其實，店方可否在燒餅牌隔離註明該燒餅餡料？我見到好多食客未幫襯，先問一問：呢個係咩餡？起碼方便食客之餘又方便店員；又唔會掛住回答那位食客而俾錯燒餅其他食客。希望店方可以考慮一下！唔知大家有無發覺個紙袋設計？有兩個孔，方便攞；此外，紙袋內有層蠟質，可以防止油浸出紙袋，就算揸住個紙袋嚟食嘢都唔會攪到隻手油腍腍！真周到！上次幫襯，買了：大蕃薯 $8顧名思義，係以蕃薯為餡料；用 pancake 包住蓄薯蓉，成卷狀。薄薄嘅 pancake 微甜，反而可突出蓄薯天然甜味！一試無妨！可能天氣凍，燒餅已經凍！ 我覺得
沿西洋菜街行吓行吓，無意中轉入登打士街，見到有間小店外好多人，順道一看，正是「萬家燒餅皇」。
睇番店內重播電視飲食節目片段，令我記得...就係呢間燒餅小店！
燒餅種類繁多，有咸、有甜、有凍食、有熱食。價錢大致上由 $5 ~ $12 不等，相當大眾化！有大大個泡芙，惹人垂涎！
有些燒餅名字幾特別！例如：淑女餅、武大郎、牙擦酥 ... 聽個名都唔知係咩？一問其貌不揚嘅女店員，逐一回答，服務態度算不錯！
淑女餅 - 炸菜肉絲
武大郎 - 菜圃豬肉
牙擦酥 - 豆沙
其實，店方可否在燒餅牌隔離註明該燒餅餡料？我見到好多食客未幫襯，先問一問：呢個係咩餡？起碼方便食客之餘又方便店員；又唔會掛住回答那位食客而俾錯燒餅其他食客。希望店方可以考慮一下！
唔知大家有無發覺個紙袋設計？有兩個孔，方便攞；此外，紙袋內有層蠟質，可以防止油浸出紙袋，就算揸住個紙袋嚟食嘢都唔會攪到隻手油腍腍！真周到！
上次幫襯，買了：大蕃薯 $8
顧名思義，係以蕃薯為餡料；用 pancake 包住蓄薯蓉，成卷狀。薄薄嘅 pancake 微甜，反而可突出蓄薯天然甜味！一試無妨！可能天氣凍，燒餅已經凍！ 我覺得無咁好食！
昨日，見到新產品："香妃" 雪片包子 $10買來一試！以白蘿蔔、西芹、芫西、豬肉為餡；雖然外表平平無奇！但係最緊要係內「餡」！ 只要輕輕一咬開既薄薄又鬆軟嘅餅皮，即可見到豐富餡料！ 豬肉好新鮮，肉汁美味！腍得嚟唔會散！好手勢！餡料當中，豬肉比例佔大部份；西芹絲及芫西混合豬肉，帶出香味！白蘿蔔切成薄片，放喺豬肉餡底，索咗肉汁夠入味！還有點胡椒味，食落更惹味！
呢度食客多，勝在流量快！可不停燒餅，保持熱辣辣及一定水準！不過，環境惡劣，人來人往，車來車往！十分污染！食完走夾唔 tou!
Post
