巴辣仔烤魚雞煲 (順年閣)

Open Now

Now Closed

🐟巴辣仔烤魚雞煲🐥🔍深水埗順寧道55-61號順年閣地下2號舖-----假日到深水埗附近辦事之後，路過呢一間餐廳。明明說好的想減肥，但路過聞到烤魚味飄出嘅時候🤤，個胃同隻腳就開始不安份，不自覺咁行咗入去食午餐。🥢原條沙巴龍躉（$418）呢度嘅烤魚有六款口味可供選擇，個人最愛就係鮮青椒味，呢款湯底味道先清後濃，食到後期會越滾越濃。清嘅時候魚鮮味突出，濃嘅時候就更加惹味。烤魚滾煮之前有經香煎過，外皮彈牙唔易散，魚肉亦非常紮實。每款烤魚都可以自選四款配菜，我地就揀咗萵筍片、娃娃菜、冬瓜及🥒青瓜。萵筍片嫩口無渣，冬瓜清熱消暑，青瓜同清甜娃娃菜則可以平衡濃膩感，自覺配搭得不錯😋。🥢水煮魚片薯粉（$62）薯粉彈牙，水煮味道調味到位，帶辣香🌶️而不嗆喉，不過魚質個人就當然更愛魚味更重，質感更佳，亦都因而更貴嘅沙巴龍躉烤魚。值得一讚嘅係水煮魚片同薯粉分開盛載，令薯粉不會吸入太多辣油，相對健康。🥢火鍋料：廣島蠔（$98）；鳳城水餃（$58）食完烤魚之後，可以叫火鍋配料打邊爐，但由於烤魚非常大條，我地又order咗飽肚薯粉嘅關係，所以最後淨係叫咗兩款火鍋料一過口癮，廣島蠔新鮮無腥，飽滿清甜。鳳城水餃內餡加入馬