Video
Read full review
2016-03-04
460 views
又一間新開人氣店，地點其實唔係咁就腳，在銅鑼灣邊緣，行到去門口好細，已經有幾個人在等！店員隔一陣出來招呼人客入店！等了15分鐘，終於到我哋， 店面好窄好深！先在近門口處落單比錢！ 落單處有兩款涼拌小菜，加汽水櫃！（汽水櫃已經唔多凍嘅汽水）食物款式唔多！在收銀處揀埋汽水兼涼拌，再攞單入座！我哋坐最入嘅一個位！呢個位置明顯係外加嘅，同出面裝修唔同！空間迫促！只可以坐8個人，仲放多個雪櫃！好唔舒服！湯麵好快到！ 刻有店名嘅木筷子好濕！感覺唔好！麻辣雲耳（$12）膠盒盛載，雲耳細細朵，好彈牙爽口，辣得好麻！食完成咀成條脷微麻！但又可以接受（我一向食唔到麻辣）清湯牛肉粉（$56）米線唔多，一個女仔剛好，男生可能要加麵，米線滑溜！清湯底略油，不過好香牛肉味， 牛肉似五香牛𦟌咁，略硬！有埋酸菜及香菜碎！可以提味解膩！好味！加了： 牛筋（$18）炆得淋身入味，好啫喱，不過有啲粉紅色！又好滑！ 牛肚（$18）金錢牛肚切得厚薄不一！炆得淋，有咬口！好味 鹵蛋（$6）鹵蛋蛋黃好大，全熟！蛋白少不過入味！蛋味濃好食！汽水（$10）正常夠凍！店員有禮！收銀哥哥有笑容！樂意介紹食物！ 廚房對出有幾
又一間新開人氣店，地點其實唔係咁就腳，在銅鑼灣邊緣，行到去門口好細，已經有幾個人在等！店員隔一陣出來招呼人客入店！等了15分鐘，終於到我哋，
店面好窄好深！先在近門口處落單比錢！
落單處有兩款涼拌小菜，加汽水櫃！（汽水櫃已經唔多凍嘅汽水）食物款式唔多！在收銀處揀埋汽水兼涼拌，再攞單入座！我哋坐最入嘅一個位！呢個位置明顯係外加嘅，同出面裝修唔同！空間迫促！只可以坐8個人，仲放多個雪櫃！好唔舒服！湯麵好快到！
刻有店名嘅木筷子好濕！感覺唔好！
麻辣雲耳（$12）膠盒盛載，雲耳細細朵，好彈牙爽口，辣得好麻！食完成咀成條脷微麻！但又可以接受（我一向食唔到麻辣）清湯牛肉粉（$56）米線唔多，一個女仔剛好，男生可能要加麵，米線滑溜！清湯底略油，不過好香牛肉味，
牛肉似五香牛𦟌咁，略硬！有埋酸菜及香菜碎！可以提味解膩！好味！加了：
牛筋（$18）炆得淋身入味，好啫喱，不過有啲粉紅色！又好滑！
牛肚（$18）金錢牛肚切得厚薄不一！炆得淋，有咬口！好味
鹵蛋（$6）鹵蛋蛋黃好大，全熟！蛋白少不過入味！蛋味濃好食！
汽水（$10）正常夠凍！店員有禮！收銀哥哥有笑容！樂意介紹食物！
廚房對出有幾個大醬缸，放滿醬菜！如果可以坐得舒服啲就更好！
Post
