Video
Read full review
2020-12-10
264 views
食過咁多唔同菜式，始終係香港茶餐廳最有風味🇭🇰。「開餐」有地道香港茶餐廳菜式之餘，仲有唔少其他菜式，例如川菜酸菜魚🍲、鰻魚飯🍱，仲連點心都有，啱晒嘅心大心細，成日唔知食咩好嘅朋友呀。.招牌溫泉蛋鮮茄牛肉湯通粉🍅 $56老實講，依個價錢食茄牛通都算貴，平時出面可能都係$40左右，但依度嘅茄牛通要成$56，就睇下佢有幾特別啦！ 溫泉蛋煮得啱啱好，蕃茄湯底酸酸甜甜，好開胃，通粉都唔係普通通粉，而係有扭紋嘅坑通粉，坑通粉吸晒啲湯底，正！牛肉都算幾滑，不過略嫌有少少韌。依碗茄牛通真係超大碗，睇相你就知，食到底都仲有。.香港人雜扒飯 (雞扒、腸仔、午餐肉、煎蛋) $57雞扒煎得好靚仔，雞皮微焦，雞肉嫩滑，亦醃得好入味，仲有好多燒汁係上面俾你送飯食。另外仲有腸仔(好耐無食過廚師腸啦!)、午餐肉、靚靚嘅太陽蛋🍳，一啖接一啖，好快就食完。不過要吐糟一下，明明寫住係雜扒飯，但其實只得雞扒，改返個名可能好啲。.炸流沙奶皇包 (跟餐) $19 單點 $29好耐無飲茶，唯有叫返個奶皇包止下癮。開餐嘅奶皇包係炸嘅，炸得金黃香脆，熱辣辣、帶有鹹蛋黃香嘅奶皇流晒出黎，好邪惡啊！大家食嘅時候真係要小心熱，唔好辣親。.金
.
招牌溫泉蛋鮮茄牛肉湯通粉🍅 $56
老實講，依個價錢食茄牛通都算貴，平時出面可能都係$40左右，但依度嘅茄牛通要成$56，就睇下佢有幾特別啦！ 溫泉蛋煮得啱啱好，蕃茄湯底酸酸甜甜，好開胃，通粉都唔係普通通粉，而係有扭紋嘅坑通粉，坑通粉吸晒啲湯底，正！牛肉都算幾滑，不過略嫌有少少韌。依碗茄牛通真係超大碗，睇相你就知，食到底都仲有。
.
香港人雜扒飯 (雞扒、腸仔、午餐肉、煎蛋) $57
雞扒煎得好靚仔，雞皮微焦，雞肉嫩滑，亦醃得好入味，仲有好多燒汁係上面俾你送飯食。另外仲有腸仔(好耐無食過廚師腸啦!)、午餐肉、靚靚嘅太陽蛋🍳，一啖接一啖，好快就食完。不過要吐糟一下，明明寫住係雜扒飯，但其實只得雞扒，改返個名可能好啲。
.
炸流沙奶皇包 (跟餐) $19 單點 $29
好耐無飲茶，唯有叫返個奶皇包止下癮。開餐嘅奶皇包係炸嘅，炸得金黃香脆，熱辣辣、帶有鹹蛋黃香嘅奶皇流晒出黎，好邪惡啊！大家食嘅時候真係要小心熱，唔好辣親。
.
金華火腿奶油津白 (跟餐) $27 單點 $37
難得見到奶油津白，仲要有個咁靚嘅盅裝住，我地又跟餐叫左佢。雖然只係$27，但上面竟然有真材實料嘅金華火腿，非常有誠意。奶油津白🥬煮得都幾滑，又唔會好Heavy好鹹，味道剛剛好。
.
最後埋單加埋兩杯凍飲都係$16X，但食到我哋兩個飽晒。好少可會見到茶餐廳會有咁多唔同種類嘅菜式，份量大，價錢又唔算貴，每叫一個主食又可以平啲加個小食試下，如果係附近返工嘅朋友，一定要多啲黎撐下依啲良心小店呀！
Post
