渣哥一九九六 (Closed)

朝早響銅鑼灣見肚餓，路過渣哥一九九六見到啲丸都唔錯，一於試一試佢。本來想叫炸牛筋丸，但係由於太早所以未有住，唯有叫住牛筋丸頂下肚先。店員問加唔加辣，無辣不歡既我就梗係要啦，＄１５蚊有三粒，望落個樣都唔錯，唔算係好好好大粒但都ＯＫ。一咬落去竟然有驚喜！都好爽口彈牙，唔係普通旺角街頭實的的果啲，響食過既牛丸裡面雖然唔係最好味，但都可以排入三甲！個辣汁都唔錯，相信配魚蛋都一流，大滿足！話說今日見唔到老闆娘譚小環，希望下次可以見到啦。