Video
Read full review
2023-06-14
137 views
已經bookmark咗好耐既一間餐廳，最近終於有時間去食啦。餐廳係香港公園瀑布隔離，窗邊位係可以睇到湖景同人造瀑布景觀，而且有日光影相都係好靚。平日大概2:30去到，啱啱好有窗邊位，如果係諗住座窗邊位，最好早少少去。🌟Afternoon Tea Set for Two $488 (Included tea or coffee)✨sweet treats 甜點 瑪德蓮蛋糕三重朱古力蛋糕檸檬撻荔枝果凍朱古力杯英式鬆餅配奶油及有機果醬除咗最下層4款甜點，每人仲有一件英式鬆餅。鬆餅表面脆身，牛油香味濃，可以自己配奶油及有機果醬食用。甜點賣相幾精緻，三重朱古力蛋糕朱古力濃郁但偏甜，檸檬撻酸酸甜甜，荔枝果凍朱古力杯既荔枝同果凍解甜膩。✨savouries 鹹點蟹肉撻明太子炸蝦壽司卷迷你三文魚三文治素春卷脆炸布里芝士巴馬火腿配蜜瓜tea set嘅上兩層係鹹點，我地都幾鐘意食鹹點。上層係明太子炸蝦壽司卷、素春卷、脆炸布里芝士。我地影相影得有啲耐，炸物都有少少腍咗，但味道都唔錯。脆炸布里芝士中間係軟心。中間巴馬火腿配蜜瓜、蟹肉撻、迷你三文魚三文治。蟹肉撻餅底鬆脆，蟹肉餡料都幾好食。火腿配蜜瓜咸甜咸甜。🌟
已經bookmark咗好耐既一間餐廳，最近終於有時間去食啦。餐廳係香港公園瀑布隔離，窗邊位係可以睇到湖景同人造瀑布景觀，而且有日光影相都係好靚。平日大概2:30去到，啱啱好有窗邊位，如果係諗住座窗邊位，最好早少少去。
🌟Afternoon Tea Set for Two $488 (Included tea or coffee)
✨sweet treats 甜點
瑪德蓮蛋糕
三重朱古力蛋糕
檸檬撻
荔枝果凍朱古力杯
英式鬆餅配奶油及有機果醬
除咗最下層4款甜點，每人仲有一件英式鬆餅。鬆餅表面脆身，牛油香味濃，可以自己配奶油及有機果醬食用。甜點賣相幾精緻，三重朱古力蛋糕朱古力濃郁但偏甜，檸檬撻酸酸甜甜，荔枝果凍朱古力杯既荔枝同果凍解甜膩。
✨savouries 鹹點
蟹肉撻
明太子炸蝦壽司卷
迷你三文魚三文治
素春卷
脆炸布里芝士
巴馬火腿配蜜瓜
tea set嘅上兩層係鹹點，我地都幾鐘意食鹹點。
上層係明太子炸蝦壽司卷、素春卷、脆炸布里芝士。我地影相影得有啲耐，炸物都有少少腍咗，但味道都唔錯。脆炸布里芝士中間係軟心。
中間巴馬火腿配蜜瓜、蟹肉撻、迷你三文魚三文治。蟹肉撻餅底鬆脆，蟹肉餡料都幾好食。火腿配蜜瓜咸甜咸甜。
🌟Rose tea $30
🌟Latte $20
下午茶餐本身包咗普通飲品，亦都可以加錢住其他。
Post
