港久新街

Open Now

Now Closed

「港久新街」主打傳統大排檔風味菜式，提供多款港式地道傳統佳餚，如撚手小菜、潮州滷水打冷、惹味串燒等，份量十足超抵食。餐廳裝潢佈置好有懷舊的感覺，簡潔光猛，可以涼住冷氣食大排檔😂內裡仲有開放式小菜檔、滷水檔、燒味檔同水吧檔等，向食客展示食材，客人除左可以用手機scan QR code自助落單，仲可以親自到檔口挑選喜愛嘅食材，即時向師傅下單。花雕醉雞 $88一送上枱就傳來陣陣花雕酒香氣，雞味濃郁及口感嫩滑，花雕嘅香味完全滲透到雞入面，味道豐富。避風塘白飯魚 $58白飯魚唔會好大條，因為太大條的話可能有骨，呢度既白飯魚就中中等等，好似銀針粉咁既size😆焦香炸乾蒜脆而不糊，蒜香味同辣味混和白飯魚，味道惹味！油浸泰國筍殼魚 $188雖然筍殼魚係淡水魚，但就無一般淡水魚既草腥味，將筍殼魚下油鑊炸後肉質依然鮮嫩滑溜，外脆內嫩肉厚，味道甘香鮮甜。魚香茄子炆米粉 $88茄子份量足夠，米粉將魚香汁料盡吸，十分惹味，辣辣地十分開胃❤️竹蔗茅根水 $28餐廳自家製的竹蔗茅根水，味道清甜容易入口，可以清內熱、潤燥生津。