狎鷗亭居酒屋

Open Now

Now Closed

尖沙咀要食韓國菜，除了韓國街之外，附近還有不少有名的韓國餐廳，今晚就去了位於諾士佛台的「狎鷗亭」，開業多年，由韓國廚師主理，味道夠正宗。少見的韓式居酒屋，餐廳設有榻榻米式的卡位座，和朋友相聚一流！坐低後先上了六小碟，每一碟都好好食，之後老闆娘介紹了幾款好適合下酒的小菜。先來個🥩烤花肉 $278，選用了優質的西冷牛肉，牛味濃郁而且非常鮮嫩多汁，油花適中，配上生菜、生蒜片和秘制韓式辣醬，好味到爆登！第二道菜是🍲炒海鮮鍋巴 $198，鍋巴非常香脆，而上面鋪滿了多款海鮮，包括有蟹、大蝦、魷魚、青口、鮑魚等，份量都幾多，完全是海鮮盛宴！再沾上略帶甜味的醬汁，有少許似中式的蠔油味道，一樣好食😋 最後點了🧆炒雞珍 $180，其實是雞賢，炒得非常有鑊氣，用鐵板上夠晒熱辣辣而且香氣撲鼻。份量非常多足夠4人份量，用來佐酒一流👍🏻點了個Ginger High Ball $98 ，由Whisky 加上Ginger ale，有汽帶少少甜味更易入口。餐廳逢星期日、一有全單八折，而且開到零晨2-3點，絕對是深宵食堂，夜收工和朋友同事過來聚一聚就最好不過了！營業時間星期一至六17:00 - 03:00星期日17:00