姚姚酸菜魚 (青衣城1)

Open Now

Now Closed

去完旅行一落機，就直奔青衣城食酸菜魚，因為佢哋嘅酸菜魚令我念念不忘。仲要適逢佢哋片皮鴨晚上做緊半價，一定要叫返半隻黎，雖然價錢優惠左，但係份量同埋味道都冇變過，仲要送埋椒鹽鴨架，真係好抵食。我好鍾意佢哋嘅酸菜魚可以叫雙拼，就算人少少都可以食到唔同嘅嘢，今次我就叫咗酸菜魚拼避風塘大蝦，魚肉依然係咁嫩滑，而且配埋酸爽嘅酸菜，每次我都要食返幾碗飯，而佢哋嘅避風塘大蝦炸到好脆，基本上連殼都可以食埋。佢哋仲有好多唔同嘅套餐同優惠，就算兩個人去食都可以食到好多菜式。