Video
Read full review
2024-11-17
1295 views
自從去年係台北試過路易奇電廠就好鐘意，年頭已經知道喺灣仔開業嘅消息，但係年尾先至終於有機會去到，上星期去完覺得幾好，而且保持到台灣嘅水準，值得我出個post講吓。呢度嘅Menu冇台北咁多，但吃個LUIGI Set for Sharing 基本上可以食晒佢大部份嘅signature ，四個Signatures同三個Ultimate Mains，再加三個蔬菜同二個海鮮，不過員工話可以唔要海鮮，反而加大牛嘅份量。唔係唔鍾意食海鮮，但係加大牛嘅份量似乎係常識。未嚟之前都好想知道餐廳可唔可以keep台灣嘅特色，有好多唔同嘅配料，最正嘅係有黑松露任你加，香港都可以keep到呢個元素，而且蔥花，辣椒粉，仲有其他配料都可以放喺度任你添，而且玩得好密，店裏嘅員工都好有禮貌，值得一讚。首先來的是日本頂級A5和牛刺身，先吃和牛嘅口感當然精彩，加上豉油之後又係另一件事，再加Wasabi總共有三個層次，一碟簡單刺身都叫人難忘，當然加多幾件同切厚少少個口感應該就更好食。上次去台北都無食呢個招牌極生牛肉佐帕瑪森起司，嗰種錯綜複雜嘅口感又係一絕，呢個signature 無論食同打卡都係一流。個人最愛一定係日本頂級A5
呢度嘅Menu冇台北咁多，但吃個LUIGI Set for Sharing 基本上可以食晒佢大部份嘅signature ，四個Signatures同三個Ultimate Mains，再加三個蔬菜同二個海鮮，不過員工話可以唔要海鮮，反而加大牛嘅份量。唔係唔鍾意食海鮮，但係加大牛嘅份量似乎係常識。
未嚟之前都好想知道餐廳可唔可以keep台灣嘅特色，有好多唔同嘅配料，最正嘅係有黑松露任你加，香港都可以keep到呢個元素，而且蔥花，辣椒粉，仲有其他配料都可以放喺度任你添，而且玩得好密，店裏嘅員工都好有禮貌，值得一讚。
首先來的是日本頂級A5和牛刺身，先吃和牛嘅口感當然精彩，加上豉油之後又係另一件事，再加Wasabi總共有三個層次，一碟簡單刺身都叫人難忘，當然加多幾件同切厚少少個口感應該就更好食。
上次去台北都無食呢個招牌極生牛肉佐帕瑪森起司，嗰種錯綜複雜嘅口感又係一絕，呢個signature 無論食同打卡都係一流。
個人最愛一定係日本頂級A5和牛月見金磚，呢個燒到外層勁焦糖化，入面就有牛嘅嚼勁同牛味，呢個真係想即刻叫多round。
第二個signature 就食日本頂級A5和牛牛小排，牛味好重，個感覺同平時打邊爐嘅牛頸脊差唔多，最重要就算食完呢個都唔會太油太大負擔，又係可以食多啲嘅選擇。
當晚highlight 係日本頂級A5和牛莎朗，店員好細心咁話呢類比較靚嘅部位最好都係交俾佢哋處理，燒完一round後放低Rest一下件牛再燒，燒得非常靚而且食落去外層有脆邊而入面係酥軟，呢個絕對不能錯過，絕對值得唔要海鮮而加大肉嘅份量。
有兩種牛舌，選了美國牛舌厚切，加上佢哋自製嘅蔥花係真心一流，又或者加佢哋嘅自家辣粉都係一絕。
要加錢嘅我覺得唔可以錯過日本頂級A5和牛海膽卷，上次喺台灣反而唔捨得食，香港雖然貴啲，但係我相信一分錢一分貨，入口個種精彩，實在太難形容。
飯有兩個，一個月見蔥花飯，前者比較簡單嘅美味，唔夠蔥花嘅可以出去再加，不過我覺得佢本身嘅調味都剛好，第二個係真理丼，用上和牛，海膽，黑松露，魚子醬，再加蛋黃，呢個味道同係台北食完全無差別，真係超好食。
尾聲一杯的台灣金萱茶，清新口腔再去油膩，再送杯雪糕基本上係應有盡有。最欣賞嘅係開咗大概一年都keep得到佢嘅水準，而且價錢都比我想像中冇咁貴，下次要call多啲食肉獸一齊再試多幾款唔同嘅牛肉。
Btw原來聽講Dining City佢都有加盟，店員講次次開親都好快滿咗，大家下次可以留意一下。如果呢個好post好反應，再出個post講吓上次台北嘅發電廠經歷。
Post
