R&R Bagels

Open Now

Now Closed

近年香港越來越多手工貝果店，不過老老實實，我最鍾意既正宗紐約貝果口感並唔係每間都做到。終於俾我搵到這間 R&R Bagels，完全係去左美國路邊小店的感覺，沒甚麼服務但貝果口感一流，三文治餡料亦到位，鍾意食貝果必須一試啊。中環利源西街係一條窄巷仔，由地鐵站C出口出來轉左行少少，見到電車站再轉入去就搵到。平日上午來到沒甚麼人，可能做附近辦公室外賣單比較多。入面有約廿個沙發座位，環境唔算非常 fancy，簡約舒服。店內採自助形式，衛生情況唔算100分，不能要求太高。貝果最佳拍檔當然係 Cream Cheese，另外也有 Muffin 甜食。來這邊當然係吃貝果，淨貝果配抹醬，或者不同餡料的三文治，有蛋有芝士的無肉選項蠻多，當中也有純素之選。三文治仲可以自選貝果口味，全部都好吸引喎！上菜速度幾快，包裝方便外帶返公司食。貝果三文治真係爆晒餡喎。Smashed Avovado & Egg HK$75有牛油果又有雞蛋通常都係我的首選，餐牌上明明寫 Pan-cooked Omelette，原來係煎蛋的意思。牛油果醬澎湃到 Hold 不住，Cream Cheese 咬到一半先食到，重點係貝果口感夠正宗。