Video
Read full review
2021-10-12
3031 views
三號風球都要出街咁緊要？因為約左去食 Madame Fu 的素食套餐！位於中環大館的 Madame Fu 一直係打卡熱點，我成日以為唔會有素食所以無去過，最近見佢地出左 Go Green Menu 梗係即刻去食。坐低仲發現主餐牌長期都有一版素食，平日午市亦有素食套餐，假日就有無限暢飲的素食點心brunch，原來食素都可以去打卡餐廳架！Madame Fu 佔據大館三樓全層，之前來大館亂逛影相的時候有經過，原來入面裝修真係勁靚喎。午市主要開放這個綠色主調的房間，另外也可以坐出面的露台位。天氣清涼坐出面好舒服，日光影相都好靚呢。在餐廳的官網上面看到這個 Green Monday 素食套餐覺得好吸引，所以約朋友來吃。來到發現還有另外一款素食午市套餐，以上兩款素食套餐都係星期一至五供應，這款少兩個前菜但其他內容都一樣，只限午市供應。Green Monday 那個就晚市都吃得到。想散叫的話餐牌上長期有成版素食(隔離果版係無麩質，都好勁)，除了素食點心之外，還有其他中式小菜可以吃。平日還有這個90分鐘任食點心套餐都幾抵，點心有素有葷，大概有五個係素食，可以repeat食幾轉。周末就可以吃這個素食早午
三號風球都要出街咁緊要？因為約左去食 Madame Fu 的素食套餐！
位於中環大館的 Madame Fu 一直係打卡熱點，我成日以為唔會有素食所以無去過，最近見佢地出左 Go Green Menu 梗係即刻去食。坐低仲發現主餐牌長期都有一版素食，平日午市亦有素食套餐，假日就有無限暢飲的素食點心brunch，原來食素都可以去打卡餐廳架！
Madame Fu 佔據大館三樓全層，之前來大館亂逛影相的時候有經過，原來入面裝修真係勁靚喎。
午市主要開放這個綠色主調的房間，另外也可以坐出面的露台位。
天氣清涼坐出面好舒服，日光影相都好靚呢。
在餐廳的官網上面看到這個 Green Monday 素食套餐覺得好吸引，所以約朋友來吃。
來到發現還有另外一款素食午市套餐，以上兩款素食套餐都係星期一至五供應，這款少兩個前菜但其他內容都一樣，只限午市供應。Green Monday 那個就晚市都吃得到。
想散叫的話餐牌上長期有成版素食(隔離果版係無麩質，都好勁)，除了素食點心之外，還有其他中式小菜可以吃。
平日還有這個90分鐘任食點心套餐都幾抵，點心有素有葷，大概有五個係素食，可以repeat食幾轉。
周末就可以吃這個素食早午餐，內容都幾豐富，不過重點係有任飲套餐，約朋友影相傾偈飲飲食食可以hae半日。
Jasmine Fairy Tale HK$58
茶飲有三款係「開花茶」，有得飲又有得玩，茶波波要自己放入熱水，浸幾分鐘就會慢慢開花，喝起來唔算非常香，但成個儀式感贏晒。
熱茶仲可以加熱水添飲，坐得耐傾偈都唔驚口渴。
芝士竹笙菠菜餃 / 黑松露上素蒸粉果
兩款餃的透明皮都做得很有水準，軟糯彈牙，中間都係好多蔬菜粒粒。綠色那款係菠菜加芝士，味道偏清淡一點，可以點豉油食。另一款香濃黑松露，配以爽口的蔬菜粒，直接食都好夠味。
煙燻素鵝
賣相一流的手工菜式，中間有三色新鮮蔬菜細絲，味道主要來自外層的腐皮，每日手工鮮製燻香，吃起來有特色。
中間三種顏色好靚，蔬菜以吃原味為主，煙燻腐皮香濃有趣。
醋香木耳 / 椒鹽豆腐粒
豆腐粒就係一般椒鹽炸豆腐，木耳屬於比較重口味，個汁好似有少少話梅酸甜幾開胃。
兩人份的前菜和點心就長這個樣子，排場都好有氣勢架，影打卡相一流！三格調味料分別是豉油、辣油和醋，可以配點心吃。
素菜粒野米蛋炒飯
雖然只係一個蔬菜粒炒飯，但吃起來係鑊氣十足，我鍾意佢炒得粒粒分明，中間還夾雜一些比較少吃到的野米，整個很好咬很有嚼頭。
泡椒炒薯粉
唔鍾意食飯就推薦試這個薯粉，吃起來唔算好辣，最正係入面有些香口脆脆蒜片，還有大量蔥、洋蔥辛香料惹味十足。
蒜蓉炒時蔬
素食套餐有個菜食先正路，蒜蓉芥蘭看似簡易，都要炒得好食先得既。
甜品係一球雪糕，不過在打卡餐廳吃雪糕都有擺盤，起碼個碗有通花仲有朱古力碎碎。
心情好或者要慶祝節日，想約朋友搵間靚餐廳食素？Madame Fu 環境靚可以打卡，素食中菜又好味滿足，價錢都唔算係天價，非常值得一試。
Post
