Video
Read full review
2020-09-14
2987 views
上禮拜去北角影紫色假花海，順便在附近的 Cafe 吃東西。舒房已經開業好一陣子，藍色牆加上戶外座位，曾經也是一個打卡熱點，現在倒也成了街坊休閒小店，食物飲品都做得唔錯架。行上斜路少少加幾級樓梯就見到粉藍色的店面，它有個小小的戶外空間，也可以進室內吹冷氣。這天在北角匯影完打卡相，行到過來剛好午飯時間，室內已經滿坐，所以要坐外面，不過無太陽晒住都唔太熱，除左間中有車駛過會嘈之外都幾舒服。室內座位也沒有很多檯，氣氛都係悠閒舒適。出面風涼水冷，成個範圍都油晒淺藍色，有少少植物咁樣。黑板上寫著每日午餐，另外也有早餐、午餐和茶餐set，套餐有包飲品，吃這個價錢最抵。單點的話有全日早餐和幾款多士，當中「Avovado Toasts」是素食，驚唔夠食可以再加黑松露醬、泡菜或炒蛋之類，隔離檯兩個外國人極力推薦牛油果多士+泡菜，我見佢地兩個都好大碟食得好開心。 Latte朋友叫 Lunch Set 但唔飲咖啡，所以俾左我飲。 Avocado Toasts HK$88 / +scrambled eggs +HK$15我以為牛油果多士係已經搽好晒上多士果種，原來係分開自己鍾意點食都得，仲有少少沙律菜和我另
上禮拜去北角影紫色假花海，順便在附近的 Cafe 吃東西。舒房已經開業好一陣子，藍色牆加上戶外座位，曾經也是一個打卡熱點，現在倒也成了街坊休閒小店，食物飲品都做得唔錯架。
行上斜路少少加幾級樓梯就見到粉藍色的店面，它有個小小的戶外空間，也可以進室內吹冷氣。這天在北角匯影完打卡相，行到過來剛好午飯時間，室內已經滿坐，所以要坐外面，不過無太陽晒住都唔太熱，除左間中有車駛過會嘈之外都幾舒服。
室內座位也沒有很多檯，氣氛都係悠閒舒適。
出面風涼水冷，成個範圍都油晒淺藍色，有少少植物咁樣。
黑板上寫著每日午餐，另外也有早餐、午餐和茶餐set，套餐有包飲品，吃這個價錢最抵。
單點的話有全日早餐和幾款多士，當中「Avovado Toasts」是素食，驚唔夠食可以再加黑松露醬、泡菜或炒蛋之類，隔離檯兩個外國人極力推薦牛油果多士+泡菜，我見佢地兩個都好大碟食得好開心。
Latte
朋友叫 Lunch Set 但唔飲咖啡，所以俾左我飲。
Avocado Toasts HK$88 / +scrambled eggs +HK$15
我以為牛油果多士係已經搽好晒上多士果種，原來係分開自己鍾意點食都得，仲有少少沙律菜和我另外加的超滑炒蛋。沙律菜當中有海藻都幾有心思，個牛油果醬睇起來無咩特別，但出乎意料勁好食，佢混左檸檬汁、橄欖油和調味，整個加起來好香好好味，配多士剛剛好，十分有驚喜。
Post
