新寶馬茶餐廳小廚

Open Now

Now Closed

去坪洲玩順便考察一下有甚麼素食，小街上滿滿茶餐廳，間中都有一間半間有羅漢齋飯，行到這間門面光鮮的新寶馬茶餐廳小廚竟然有個無肉餐牌，見佢咁貼心就入去食啦！老牌茶餐廳趕上時代步伐要轉型，特別設置「打卡熱點」仲叫大家 tag 返佢地，但我好似 search 唔到社交平台戶口 XD。入面大致上係茶餐廳裝修，但又會加左少少特色佈置，例如卡位側邊有個水嚨頭做的木架咁樣。傳統茶餐廳都接軌到唔少年輕人顧客喎。無肉餐單有八款，有飯也有麵，都係茶餐廳經典菜式，平日11:00-15:00包熱飲，其他時間就要散叫。蕃茄煮蛋飯 HK$51好耐無食茶餐廳番茄炒蛋飯，店員姨姨強調係鮮茄，番茄又的確幾多幾大舊，個汁就偏鹹重豉油味，茶餐廳先食到的味道。炒蛋係成舊咁樣上，中間好嫩好滑，份量亦夠多。整體來說配飯都幾滿足到番茄炒蛋癮。菠蘿包夾雪糕 HK$33 店內名物係菠蘿包夾雪糕，圖中係正常版有兩球雪糕，另外有一球雪糕的迷你版。除了菠蘿包，我見隔離檯仲有咖啡包夾雪糕，店內仲有菠蘿包夾其他野，有鹹也有甜選擇很多。雪糕係細細個先食的牛奶公司三色雪糕，菠蘿包個皮烤得特別脆，咬落都幾得意，既然係名物一場來到就試試吧。