Video
Read full review
2022-01-27
1335 views
幾十年無入坪洲，島上時間過得特別緩慢，完全不需要行程亂逛也不會迷路！在島上覓食的話，必訪這間由三姊妹開設的街坊咖啡店 Island Table Grocer Cafe，用料講究又煮得好食，環境氣氛仲非常之好，絕對不能錯過。坪洲面積細，碼頭對出得幾條街，求其亂行都唔會盪失路，落船再行去 Island Table 都非常之近。咖啡店都細細間，大概坐到十幾個人，亦有少量戶外座位。因為島上精緻餐廳不多，來玩的文青都會吃這間，亦有不少島民熟客，食飯時間都幾多人架。除了吃東西，也有賣一些進口產品，我約略望過一下，全部都係意大利精品食材，係高級超市先會買到的東西。牛角包和各種酥餅都好似係店內名物。飲品以咖啡為主，亦有一些比較特別的配搭。吃輕巧一點的話有牛角包三文治、酸種多士之類。飽肚的話就有千層麵和一人份手工薄餅，各有一款素食選擇。Flat White HK$38濃厚香醇的意大利咖啡，口味中深烘焙素食主義一人份手工薄餅(7吋) HK$58一人分薄餅原來都真係幾細個，不過用料好豐富，批底係薄薄的脆餅，蔬菜有彩椒、番茄和橄欖，我覺得個parmesan cheese芝士絲真係好有誠意！咁細個薄餅都仲要拉到
幾十年無入坪洲，島上時間過得特別緩慢，完全不需要行程亂逛也不會迷路！在島上覓食的話，必訪這間由三姊妹開設的街坊咖啡店 Island Table Grocer Cafe，用料講究又煮得好食，環境氣氛仲非常之好，絕對不能錯過。
坪洲面積細，碼頭對出得幾條街，求其亂行都唔會盪失路，落船再行去 Island Table 都非常之近。
咖啡店都細細間，大概坐到十幾個人，亦有少量戶外座位。因為島上精緻餐廳不多，來玩的文青都會吃這間，亦有不少島民熟客，食飯時間都幾多人架。
除了吃東西，也有賣一些進口產品，我約略望過一下，全部都係意大利精品食材，係高級超市先會買到的東西。
牛角包和各種酥餅都好似係店內名物。
飲品以咖啡為主，亦有一些比較特別的配搭。
吃輕巧一點的話有牛角包三文治、酸種多士之類。
飽肚的話就有千層麵和一人份手工薄餅，各有一款素食選擇。
Flat White HK$38
濃厚香醇的意大利咖啡，口味中深烘焙
素食主義一人份手工薄餅(7吋) HK$58
一人分薄餅原來都真係幾細個，不過用料好豐富，批底係薄薄的脆餅，蔬菜有彩椒、番茄和橄欖，我覺得個parmesan cheese芝士絲真係好有誠意！咁細個薄餅都仲要拉到絲，咬落脆脆地又鹹鹹地，食得幾過癮。
白汁野菌千層意粉 HK$95
充滿驚喜的白汁千層麵，我仲以為係果種忌廉白汁，點知係超香濃的牛肝菌汁！然後我第一次食到每一層仲係 al dente 的千層麵，煙煙韌韌好好食！個牛肝菌汁香濃又惹味，下次來我要自己食晒一個！
半份真係唔夠喉 XD
坪洲其實真係一個充滿小島風情的地方，間中搭船去行下都幾正，有機會去玩的話記得吃這間小店啊。
Post
