Video
Read full review
2021-01-26
584 views
因為我好久沒吃素食下午茶，所以今次要去一個你絕對諗唔到的地方食！好多人都唔知道港安醫院入面有素食餐廳，而且餐點製作超用心，每一個菜式都由營養師設計把關，確保你食得健康有營養，更厲害的當然是少油少鹽少糖都勁好食啦！今次來試的素食下午茶精緻度更嚇親人，你真係無諗過醫院有咁好環境咁靚的Tea嘆。我初初聽到要去醫院都遲疑左一下，不過常言道最危險的地方是最安全，而且來到門口已經覺得勁放心，乜間醫院好似高級酒店咁樣，聽聞入面仲係零確診個案，仲安全過出油麻地。港安醫院原來是教會旗下的非牟利私家醫院，新大樓靚到我覺得似五星級酒店或豪宅，門口有嚴格撿疫區，安全系數都幾高。醫院餐廳位於六樓，疫情之前都會有附近街坊和學生來用餐，現在主要是醫護人員和職員，入面都一人一檯好孤單咁樣。訪客來吃飯或下午茶的話要來到室外位置，空氣好流通又有花園景，環境非常寫意。竟然有空中花園咁正，這天天氣大好坐外面特別悠閒。餐廳其實都幾多野食，平日有午市套餐，另外亦有單點菜單。我見到仲有麵包賣添，全部餐廳廚房自家製作，全麥唔係空氣麵包，用料實在又無奇怪添加，食得健康最重要。素食自家烘培「Adventist Health」下午茶套餐下
因為我好久沒吃素食下午茶，所以今次要去一個你絕對諗唔到的地方食！
好多人都唔知道港安醫院入面有素食餐廳，而且餐點製作超用心，每一個菜式都由營養師設計把關，確保你食得健康有營養，更厲害的當然是少油少鹽少糖都勁好食啦！今次來試的素食下午茶精緻度更嚇親人，你真係無諗過醫院有咁好環境咁靚的Tea嘆。
我初初聽到要去醫院都遲疑左一下，不過常言道最危險的地方是最安全，而且來到門口已經覺得勁放心，乜間醫院好似高級酒店咁樣，聽聞入面仲係零確診個案，仲安全過出油麻地。
港安醫院原來是教會旗下的非牟利私家醫院，新大樓靚到我覺得似五星級酒店或豪宅，門口有嚴格撿疫區，安全系數都幾高。醫院餐廳位於六樓，疫情之前都會有附近街坊和學生來用餐，現在主要是醫護人員和職員，入面都一人一檯好孤單咁樣。訪客來吃飯或下午茶的話要來到室外位置，空氣好流通又有花園景，環境非常寫意。
竟然有空中花園咁正，這天天氣大好坐外面特別悠閒。
餐廳其實都幾多野食，平日有午市套餐，另外亦有單點菜單。
我見到仲有麵包賣添，全部餐廳廚房自家製作，全麥唔係空氣麵包，用料實在又無奇怪添加，食得健康最重要。
素食自家烘培「Adventist Health」下午茶套餐
下午茶價格：HK$240/一人、HK$480/二人 (蛋奶素)
預訂電話：2275 6690 (需提早兩日訂位)
下午茶上來這麼精緻真是嚇了一跳，圖中是一人份量，你也可以預訂二人、四人之類，不過當然要分開檯坐啦。
大蒸籠入面是鹹點，真心六樣都好好食，我真係傻眼，出面好多下午茶的三文治都一般般無驚喜，這邊連塊麵包都真係特別好食。
「藜麥牛油果沙律蛋糕卷」
黃色那個是蛋卷，入面有牛油果藜麥，好香好好食。
「素吞拿魚多士」「Sous Vide真空低溫烹調蛋白多士配南瓜泥」
兩件圓形吐司分別係素吞拿魚和蛋白南瓜蓉，塊麵包係搽左牛油的麥包，好香麥味好好食。吞拿魚像真度很高，我咬一啖都要即刻問清楚係唔係素食。另一個用南瓜蓉扮蛋黃都幾過癮。
「Bruschetta意大利黑麥多士配炒蛋」
黑麥吐司上面有炒蛋算係當中最悶架啦，不過塊黑麥包又幾好食。
「素叉燒墨西哥捲餅皮(Tortillas)」
卷卷入面有素叉燒，外面塊皮有少少似薄左的墨西哥餅皮，唔會再難咬開，好有心思。
「精緻青瓜卷」
中間個青瓜卷都幾驚喜，因為我本身唔係鍾意食青瓜的人，但入面個醬好清新，毫無預警咁好好食。
「低糖肉桂蝴蝶酥」「低糖綠茶、朱古力曲奇」「檸檬夾心泡芙」「英式鬆餅」
甜點拼盤都好有驚喜，全部都係低糖唔甜適合注重健康人士。蝴蝶酥和餅乾都係自家烘焙，然後我一咬就激讚，好食過出面好多名牌。入面加左米粉，吃得到粉香，也確實吃到抹茶和朱古力。但蝴蝶酥唔會油，肉桂都好濃郁。
「爆漿波波芒果撻」「Tiramisu 意大利芝士蛋糕」
那個黃色的是爆漿芒果撻，要成個擺入口，一咬就成口都係芒果汁，好好玩。最推薦仲有 Tiramisu，我真係覺得全香港最好食，希望下次可以再來食大件版本。
「Mozzarella芝士釀聖女果」「 紅蘿蔔脆卷」
中間那個是紅蘿蔔卷，大概係用紅蘿蔔汁來做，味道真係同紅蘿蔔一樣，但就完全無草青味，連最憎紅蘿蔔的本人都接受到。
睇相你一定以為係酒店下午茶啦，雖然係酒店餐廳，但食物水準真係無得輸！而且可以響平台花園食，前面鳥語花香藍天白雲咁。
充滿蛋香的捲捲，類似係Pancake皮捲住藜麥沙律，我又試下自己整先。
好可愛的蛋白三文治，南瓜蓉帶來甜美清香。另外我想話塊麥包真係幾好食。
荃灣港安醫院餐廳應該係香港最隱世的素食餐廳，你知我知好啦，唔好話俾咁多人知。想食這個下午茶的話可以打 2275 6690 去餐廳預訂，記得要提早兩日訂位啊！
*菜式會因應季節及食材供應而有所不同
*欲品嚐下午茶套餐的顧客，敬請提前兩日致電預訂，訪客敬請到戶外位置用餐
Post
