鮨吟月

Open Now

Now Closed

Lemon 師傅曾經喺香港《志魂》做咗多年，然後又喺內地《紫檀》和《琥珀》工作數年，最近佢創立咗自己嘅鮨店《鮨吟月》，隨即引起一眾omakase愛好者嘅關注。最近同事榮休，我哋幾個相熟嘅同事就打算同佢慶祝榮休。上網睇天后開咗一間新嘅omakase 店，然後再睇返資料就見到lemon師傅來頭唔少，所以就決定去試吓。我哋準時去到，入到去個環境真係好舒服，感覺上佢嘅服務亦都好。坐低咗之後，師傅亦都問我哋有冇乜嘢唔食，我同朋友乜嘢都食，所以食乜都冇所謂，一切交由師傅決定。佢啲壽司勁出色，啲魚生真係無得彈。因為係勁新鮮、勁甜美，加上師傅嘅手勢好，切到厚薄適中，真係好正。而佢嘅壽司飯，醋嘅比例恰當好處，食落好舒服。總括嚟講，呢到環境舒服，師傅亦都好專業，所以我都打算下次再帶老婆黎試下師傅既手勢。