Video
Read full review
2022-07-11
334 views
見到尚青出咗新期間限定海膽扇貝魯肉飯即刻狗衝，但排到先知個飯要週末先有🥲不過黎都黎啦，隊都排啦，自己未做足功課姐，已經係度冇理由唔幫襯嘛💛於是就揀咗台酒三杯雞飯，飲無糖熱烏龍，加燙娃娃菜，驚齋食菜會寡就+6加香菇魯肉🙈烏龍茶同娃娃菜先上，烏龍就正正常常茶味濃厚，娃娃菜個香菇魯肉量真係超過預期😯我以為只係topping一pat咁上下，未估到仲可以有大片嘅魯肉出現😂同娃娃菜撈勻幾好食，肉都夠腍夠入味唔油膩，本身其實我唔係好鍾意食香菇🫢但呢度個香菇片我都照食埋因為個香菇味唔係好濃可以接受😛台酒三杯雞就幾隆重一鍋，睇落雞量唔少，不過就有大有細，都係嫩滑雞髀肉，湯汁濃郁有麻油香，但因為我減肥都儘量唔食個炸皮，冇咗層皮肉量就稍顯孤寒😅米飯同溏心滷蛋都保持水準，小菜依然係熟悉嘅酸甜醃蘿蔔同小辣嘅拌雲耳，兩樣我都仍然好鍾意，尤其個蘿蔔😋台酒三杯雞飯 7.0/9燙娃娃菜加魯肉 7.0/9OVERALL 7.0/9店員依然好nice，如果雞可以大舊啲就更好🙈
於是就揀咗台酒三杯雞飯，飲無糖熱烏龍，加燙娃娃菜，驚齋食菜會寡就+6加香菇魯肉🙈
烏龍茶同娃娃菜先上，烏龍就正正常常茶味濃厚，娃娃菜個香菇魯肉量真係超過預期😯我以為只係topping一pat咁上下，未估到仲可以有大片嘅魯肉出現😂同娃娃菜撈勻幾好食，肉都夠腍夠入味唔油膩，本身其實我唔係好鍾意食香菇🫢但呢度個香菇片我都照食埋因為個香菇味唔係好濃可以接受😛
台酒三杯雞就幾隆重一鍋，睇落雞量唔少，不過就有大有細，都係嫩滑雞髀肉，湯汁濃郁有麻油香，但因為我減肥都儘量唔食個炸皮，冇咗層皮肉量就稍顯孤寒😅米飯同溏心滷蛋都保持水準，小菜依然係熟悉嘅酸甜醃蘿蔔同小辣嘅拌雲耳，兩樣我都仍然好鍾意，尤其個蘿蔔😋
台酒三杯雞飯 7.0/9
燙娃娃菜加魯肉 7.0/9
OVERALL 7.0/9
店員依然好nice，如果雞可以大舊啲就更好🙈
19 views
0 likes
0 comments
24 views
0 likes
0 comments
Post
