百味川 (Closed)

放假過黎葵廣掃街未夠喉，人山人海，最後去咗食個酸菜魚淮山麵同蕃茄魚淮山麵醫醫肚，湯底濃麵夠滑夠爽，魚勁多。後尾先知原來喺葵廣都幾出名，唔怪得咁多人，$60一碗麵，但係唔包嘢飲，凍檸茶加幾蚊，熱菜蜜唔使加錢，質素都不過不失價錢亦算OK。平平哋仲有好多小食揀，例如蒜香皮蛋，少少蒜香辣辣地但不失皮蛋味；醋香雲耳醋香味剛好，雲耳夠爽口。呢度適合快食醫肚，落order唔夠3分鐘就有個熱辣辣嘅麵食，快平靚正！