Day One Cafe (駱駝漆大廈第三座)

Open Now

Now Closed

駱駝漆出名多嘢食，同朋友發現呢間cafe，拎住Menu睇，見佢有椰菜花飯、雞胸肉等等啱晒減肥人士食嘅嘢食，就諗住試下🤣🥩香煎澳洲草飼肉眼牛扒配薯蓉塊牛扒一上嚟已經好香，流曬口水🤤，拮落去嗰陣真係見到佢流啲肉汁出嚟，入口幾juicy💦，仲帶住啲淡淡嘅燒香味，配埋個好滑嘅薯蓉🥔，同埋有蘆筍同埋車厘茄，簡單得來好食😙次松葉蟹肉明太子炒椰菜花飯第一次食椰菜花飯，一上枱嘅時候都真係覺得幾似平時食開嗰啲意大利飯，而味道都出乎意料咁好食！啲椰菜花炒到粒粒分明，仲有勁爽口，食落完全唔覺得係「飯」，🦀蟹肉鮮甜，仲加咗明太子嘅鹹香，又健康又有滋味😋，食完仲想再嚟一碟呢間cafe唔單止環境chill，食物仲有驚喜，而且餐廳都標榜食一啲健康嘢食，鍾意cafe但又減緊肥嘅朋友可以一試🤣