Video
Read full review
2019-05-14
1319 views
放假成日黎銅鑼灣行街，周圍既野食都已經食到厭。偶爾見到網上有人推薦呢間專做日本炸串既餐廳，位於銅鑼灣Sogo附近，位置唔難搵，於是抱住好奇既心態一試😋甫踏入餐廳，就聽到一連串日本既greetings, 原來餐廳由侍應到廚師，差唔多全部都係日本人，而食客都講緊日文，唔講唔知仲以為自己去左日本。再講下食物，首先係呢個大陂傳統料理土手煮，就咁睇中文可能會一頭霧水😅原來佢係一個牛筋煮，牛筋煮到好稔，湯底好似係味噌，好岩撈飯。之後到呢個大阪代表美食章魚仙，一盤有六粒非常抵食，底部仲墊左大塊蝦餅，廚師好細心咁將蝦餅分左幾塊，以防因爲比醬汁整淋左而分唔開，讚👍🏼之後出場既係三文魚茶漬飯，三文魚碎配淡淡茶香，最岩係食炸串時比喉嚨清下味。一碗份量絕不失禮，岩晒食唔飽既大食朋友😂講左咁耐終於到主角炸串出場啦！呢度會將食客既炸串order逐開單整，所以炸串都係一次過上。我地二人嗌左幾款，總括黎講炸皮夠薄，仲keep到食物鮮味，配埋酸酸甜甜既醬汁，真係好開胃！以下係炸串既簡評：特選牛：夠juicy, 切成牛粒唔驚太韌蘆筍：食落索索聲，好清甜黑松露件魚蓉：口感特別，咬一啖黑松露味噗鼻而黎牡蠣豬肉卷：兩種食材都幾
甫踏入餐廳，就聽到一連串日本既greetings, 原來餐廳由侍應到廚師，差唔多全部都係日本人，而食客都講緊日文，唔講唔知仲以為自己去左日本。
再講下食物，首先係呢個大陂傳統料理土手煮，就咁睇中文可能會一頭霧水😅原來佢係一個牛筋煮，牛筋煮到好稔，湯底好似係味噌，好岩撈飯。
大陂傳統料理土手煮
37 views
0 likes
0 comments
之後到呢個大阪代表美食章魚仙，一盤有六粒非常抵食，底部仲墊左大塊蝦餅，廚師好細心咁將蝦餅分左幾塊，以防因爲比醬汁整淋左而分唔開，讚👍🏼
大阪代表美食章魚仙
108 views
0 likes
0 comments
之後出場既係三文魚茶漬飯，三文魚碎配淡淡茶香，最岩係食炸串時比喉嚨清下味。一碗份量絕不失禮，岩晒食唔飽既大食朋友😂
三文魚茶漬飯
55 views
1 likes
0 comments
講左咁耐終於到主角炸串出場啦！呢度會將食客既炸串order逐開單整，所以炸串都係一次過上。我地二人嗌左幾款，總括黎講炸皮夠薄，仲keep到食物鮮味，配埋酸酸甜甜既醬汁，真係好開胃！
以下係炸串既簡評：
特選牛：夠juicy, 切成牛粒唔驚太韌
蘆筍：食落索索聲，好清甜
黑松露件魚蓉：口感特別，咬一啖黑松露味噗鼻而黎
牡蠣豬肉卷：兩種食材都幾夾，蠔唔會有怪味
日本雞蛋豬肉卷：朋友大力推薦，蛋仲係半流心狀態，總之就係好好食
串物
84 views
0 likes
0 comments
日本雞蛋豬肉卷
49 views
0 likes
0 comments
最後要講下呢個麒麟啤酒，佢有多種口味揀，我地揀左百香果味，原來d味係黎自上面有沙冰口感既泡，食住炸串飲，夠晒解膩！
麒麟啤酒 -百香果味
67 views
0 likes
0 comments
Post
