御前牛盛日式涮涮鍋 (Closed)

bk左7點半，一去到就可以入座啦。店鋪裝修都算試正，卡位夠闊落可以擺到好多野食🙆🏻點餐紙有好多款，出面仲有好多唔同熱食、冷盆同丸類比你自己揀😚😚有一系列醬汁係台面比你自己調味，有辣醬 麻醬 指天椒 芫茜 蔥花 醬油汁 蒜泥汁。麻辣鍋。有花椒 八角 辣椒乾等等，中辣已經好夠辣，仲有小小辣到難入口。我就好欣賞佢嘅冷盤！煙三文魚沙律。有番茄、煙三文魚、生菜等等，配埋我最愛嘅麻醬無得彈！番茄同生菜都好新鮮，食落索索聲，三文魚又好足料，切得好大舊。泰式辣鳳爪。鳳爪爽口彈牙，個汁酸酸甜甜好開胃，夾埋d青瓜絲同紅蘿蔔絲口感仲豐富🤤螺肉就不過不失啦，都係街外食到嘅感覺。而豬耳都幾爽口，個汁都ok辣。不得不提個壽司！出面擺左好多各式各類嘅壽司，擺盆勁靚，我都忍唔住手拎左2件。三文魚壽司油脂分佈平均，好好食。刺身拼盤。叫左甜蝦、三文魚、虎蝦、蟹柳、劍魚、魷魚等等。刺身普遍幾新鮮，啲蝦都幾鮮甜，魷魚就好有咬口啦，蟹柳都幾好。