Video
Read full review
2019-03-16
54 views
難得喺職場上認識倒真心朋友，而大家都將有好既出路，當然要一齊慶祝下。餐廳主打法日fushion菜，以夢為主題，擺設裝飾都圍繞住夢，例如有捕夢網同羽毛等。裝修型格，配埋昏暗既燈光，氣氛浪漫仲有室外位置，岩哂同朋友happy hour🥂我地叫左6-course，裏面有兩個surprise dish，會由廚師設計，保留神秘感。店員會事先問你有咩唔食。首先送上麵包同龍蝦啫喱，啫喱用上清酒同味噌做成醬汁，再加魚膠粉令佢凝固成啫喱，內裏有新鮮龍蝦肉！好新鮮既配搭，清酒既點綴更突顯出龍蝦既鮮味。牛角包好重牛酒味，口感鬆脆。第一道surprise dish係蟶子配海膽creme brûlée，蟶子配上燈籠椒醬同三文魚子，三文魚子令口感更豐富。海膽同creme brûlée食落都好creamy，好夾！creme brûlée面層仲加上左味噌啫喱，鹹鹹甜甜襯托出蟶子既鮮甜。第二道菜係法國鵝肝配自家製乳酪雪糕及栗子蓉，鵝肝係傳統做法，香煎再加上port wine sauce，煎至外脆內軟，咬一口鵝肝再品嚐一啖雪糕，冰涼感可以減低番鵝肝既油膩。第三道菜係松露油龍蝦尾配芒果豆腐汁，龍蝦尾以慢煮方式烹調，保留食材
餐廳主打法日fushion菜，以夢為主題，擺設裝飾都圍繞住夢，例如有捕夢網同羽毛等。裝修型格，配埋昏暗既燈光，氣氛浪漫仲有室外位置，岩哂同朋友happy hour🥂
我地叫左6-course，裏面有兩個surprise dish，會由廚師設計，保留神秘感。店員會事先問你有咩唔食。
首先送上麵包同龍蝦啫喱，啫喱用上清酒同味噌做成醬汁，再加魚膠粉令佢凝固成啫喱，內裏有新鮮龍蝦肉！好新鮮既配搭，清酒既點綴更突顯出龍蝦既鮮味。牛角包好重牛酒味，口感鬆脆。
第一道surprise dish係蟶子配海膽creme brûlée，蟶子配上燈籠椒醬同三文魚子，三文魚子令口感更豐富。海膽同creme brûlée食落都好creamy，好夾！creme brûlée面層仲加上左味噌啫喱，鹹鹹甜甜襯托出蟶子既鮮甜。
第二道菜係法國鵝肝配自家製乳酪雪糕及栗子蓉，鵝肝係傳統做法，香煎再加上port wine sauce，煎至外脆內軟，咬一口鵝肝再品嚐一啖雪糕，冰涼感可以減低番鵝肝既油膩。
第三道菜係松露油龍蝦尾配芒果豆腐汁，龍蝦尾以慢煮方式烹調，保留食材既原汁原味，淡淡既松露味提升味道至另一層次。芒果豆腐汁再加上石榴粒，酸酸甜甜，配上龍蝦尾係意想不到既完美
第二道surprise dish係吞拿魚臉頰肉，岩岩送上檯個陣仲以為係肉😂店員會先用火槍燒表層，好有視覺效果！另外再配上日本燒汁同白菜整既pesto sauce，入口即溶，口腔充滿住魚既油脂香
終於黎到主菜喇，首先係鹿兒島A4和牛，配菜有日本舞茸菇、洋蔥脆片、野菌同炒雜菜，和牛火喉控制得剛剛好，同樣係入口即溶，和牛個汁都加左黑松露好香！
另一道主菜就係新西蘭羊架配薄荷啫喱，羊架煎得好靚！入口唔會好羶，肉質好嫩。配菜仲有椰菜花蓉同南瓜脆片椰菜花蓉煮得好綿滑。
最後到甜品係煎堆配麥茶竹炭雪糕同芝麻脆餅，呢個甜品好有中國特色，而且色彩豐富，旁邊既小配料都做得好有心思。
小茶點就有朱古力mousse tart同almond cake，chocolate mousse好滑又唔會過甜，Almond cake做到煙韌既口感亦好濃杏仁味。
今餐食得好滿意，廚師既手勢好出色，擺盤全部都好靚而店員上每道菜時都會介紹得好詳盡。
Post
