B哥小廚 (Closed)

上星期四約了舊同事食飯, 想一下藍田好像沒有什麼特色食品, 但有人提議說新開了間B哥小廚的, 話有川菜同特色小炒, 果日放工10條友過去, 6點半都已經很多人, 幸好有人先過去攞位, 唔係就要等位了。坐低環境同普通大排檔一樣, 但衛生都OK, 再睇下餐牌都有很多選擇, 七嘴八舌都唔知叫乜好, 經靚仔伙記介紹, 10個人叫了11樣嘢, 1個6人例湯, 再加2個豬油撈飯, 我都佩服我自己可以食到咁多嘢!先來了皮蛋伴尖椒, 辣椒不是想像中的辣, 皮蛋爽口, 配上醬汁, 正! 豉汁蒸大鱔, 醬爆回鍋肉, 美極香辣蝦, 大路菜式! 石鍋啫啫芥蘭, 伙記說是其中一個招牌特色, 上菜時石鍋吱吱的響, 全部都是芥蘭嫩枝, 爽脆冇渣, 食到底仲熱, 正!豉椒炒聖子, 味道很好但入口有沙, 一般!椒鹽塘鮮魷, 香脆入味, 上枱已即時給消化掉, 正正!避風塘炒基圍蝦, 避風塘炒蟹, 好入味, 連蝦殼都食堆, 好多炸蒜茸粒, 食唔晒仲帶埋返屋企伴粥吃, 一流!奇味香辣雞煲, 雞無味, 但d乾蔥頭同洋蔥就爆得好香, OK!米湯海味節瓜煲, 意想不到的驚喜, 完全吃到自家飯的味道!豬油撈飯, 現代人絕少吃了, 現