Video
Read full review
2022-08-30
649 views
喺附近上堂，見就近新開咗間點心就試下啦，估唔到有驚喜，呢日決定再戰！基本上試過嘅蝦類點心都好正，蝦餃同蝦腸入面隻隻靚蝦；鹹水角外脆內糯；蒸排骨又係一個驚喜，真係有骨嘅靚位，唔知係堅揀過定只係咁啱呢；蒸包類算係standard好食啦，暫時未遇到好「嘩」嘅款式；佢哋似乎會定期出新野，呢個大紅袍荔枝都好有趣，我無試，試咗嘅朋友話好食；遲join的朋友叫咗個蒸飯加燉湯set都話好足料；臨尾追加糖水，上次試完核桃露，今次想叫芝麻糊但賣哂，咁就試下杏仁糊，兩次都係好滑好rich😍；懷疑係家庭式經營，服務態度好到唔習慣🤣本來無寫食評嘅習慣，但咁高性價比晚市竟然咁少人，可能因為唔近地鐵？決定撩幾隻字撐一撐！所以剩係臨尾影咗幾張相，下次再影多啲😋
基本上試過嘅蝦類點心都好正，蝦餃同蝦腸入面隻隻靚蝦；
鹹水角外脆內糯；
蒸排骨又係一個驚喜，真係有骨嘅靚位，唔知係堅揀過定只係咁啱呢；
蒸包類算係standard好食啦，暫時未遇到好「嘩」嘅款式；
佢哋似乎會定期出新野，呢個大紅袍荔枝都好有趣，我無試，試咗嘅朋友話好食；
遲join的朋友叫咗個蒸飯加燉湯set都話好足料；
臨尾追加糖水，上次試完核桃露，今次想叫芝麻糊但賣哂，咁就試下杏仁糊，兩次都係好滑好rich😍；
懷疑係家庭式經營，服務態度好到唔習慣🤣
本來無寫食評嘅習慣，但咁高性價比晚市竟然咁少人，可能因為唔近地鐵？決定撩幾隻字撐一撐！所以剩係臨尾影咗幾張相，下次再影多啲😋
Post
