FRITES Belgium on Tap (海濱匯)

Open Now

Now Closed

星期三，mid week，唔知食乜好，朋友介紹去觀塘海濱匯，平時都唔會諗到夜晚會嚟呢頭食飯，因為感覺好似冇乜出名嘅餐廳，點知原來海濱匯有呢間餐廳，所以就試，入到去其實冇乜人，而地方都好乾淨闊落。呢個係吞拿魚他他，非常好味，個mix同片青瓜一齊食都可以，仲更清甜，配搭做得好好，蝦片亦好脆。大蝦cocktail杯，比得上酒店食嘅質素，非常新鮮及個沙律做得好好食。呢個蜆好多人叫嚟食，我諗都算係廚師推介，個湯汁點個包嚟食，就可以飲到啲湯，好熱辣辣及濃香，真係好好味。但為免食包食到飽哂，所以冇再叫啲包嚟點汁。個薯條都係新鮮整，好大份量，但又係因為要留肚，冇食哂。呢個意粉就一般，可能我唔鍾意佢啲肉。呢個壓軸嘅龍蝦飯應該係必食之選，我平時唔係咁鍾意食Risotto，但見佢嗰樣幾靚就叫一個，一嚟到已非常香噴噴，再食一啖細嘅飯加啲龍蝦肉，一啲都唔膩滯，雖然已飽飽哋，但佢實在整得好味，一啖又一啖之下就成碟食哂。兩個人叫咗以上咁多嘢食再加三杯Prosecco，埋單$1,200蚊度。