Video
Read full review
2021-08-02
395 views
味道出色嘅法國小餐館，大部分菜式都令我好滿意，而且價錢合理✨仲諗緊紀念日、拍拖食乜好嘅buddy們，誠意推介俾你地🤤🧡• Carpaccio of Hokkaido scallop with truffle vinaigrette and sea urchin ice-cream $198亮點絕對係面頭嘅海膽雪糕，估唔到將海膽做成雪糕亦不失鮮味，而且一啲違和感都冇，非常特別！切成薄片嘅帶子頗鮮甜，更加上鮮刨黑松露點綴，海膽同黑松露冇互相搶風頭，味道配搭出色👍🏻✨• Tartare of blue shrimps, herring caviar $168另一款前菜揀咗藍蝦他他，見到上高滿滿嘅魚子醬已經感覺超值🤤藍蝦新鮮爽彈，撈埋魚子醬嚟食更加調到啲鮮味出嚟，個人嚟講都幾鐘意😚• Grilled lamb fillet $268對比其他菜式，依碟羊嘅表現較為普通。個人覺得羊味比較淡，或者係因為佢真係冇咩羶味，有種唔似食緊羊嘅感覺🤣• Pithivier of pigeon and foie gras, fresh puff pastry, cabbage $388切開可以見到個橫切面好多層
• Carpaccio of Hokkaido scallop with truffle vinaigrette and sea urchin ice-cream $198
亮點絕對係面頭嘅海膽雪糕，估唔到將海膽做成雪糕亦不失鮮味，而且一啲違和感都冇，非常特別！切成薄片嘅帶子頗鮮甜，更加上鮮刨黑松露點綴，海膽同黑松露冇互相搶風頭，味道配搭出色👍🏻✨
• Tartare of blue shrimps, herring caviar $168
另一款前菜揀咗藍蝦他他，見到上高滿滿嘅魚子醬已經感覺超值🤤藍蝦新鮮爽彈，撈埋魚子醬嚟食更加調到啲鮮味出嚟，個人嚟講都幾鐘意😚
• Grilled lamb fillet $268
對比其他菜式，依碟羊嘅表現較為普通。個人覺得羊味比較淡，或者係因為佢真係冇咩羶味，有種唔似食緊羊嘅感覺🤣
• Pithivier of pigeon and foie gras, fresh puff pastry, cabbage $388
切開可以見到個橫切面好多層次！乳鴿大約五成熟，呈現血紅色，配上油潤鵝肝並以酥皮包裹，明明應該係好heavy嘅組合但係食起上嚟唔會覺得膩，成件事好香好match，不愧為餐廳嘅招牌菜💥
話說好搞笑嘅一樣嘢係，我同家姐食完返到屋企睇ig咁啱碌到同一間餐廳嘅食評，佢問我：點解人地嗰個有汁嘅，之後我哋先醒起個staff有俾到個汁叫我哋切開之後淋係裡面，但我哋掛住影相同食，完全無視左個汁🤣🤣可能因為冇汁已經好好食，所以察覺唔到🤣
• Mille-feuille $98
同一般千層酥唔同，依度係採用咗薄脆，比較傳統千層酥少咗啲層次感同牛油香，我自己就覺得酥皮嘅比例再高返啲會更好，不過單講味道其實已經猶勝唔少餐廳☺️
Post
