麻辣Doi (Closed)

平時好少入嚟元朗，今日經過，聞到好香就入咗去試吓啦！辣子雞真係有驚喜香港好少有川菜館係可以炒到雞乾身之餘，入面做到好嫩滑嘅感覺，真係外脆內軟。青椒紅椒全部有微濃，非常香口，可謂啱啱好。最出色之處係，夠味，但唔會太油。另外點左一個麻辣燙，個湯都非常出色，出面好多麻辣燙都只有辣味，呢間麻辣燙除咗辣，仲有濃濃嘅香料味，食得出落咗好多唔同嘅材料，非常惹味。麻辣燙入邊嘅材料都非常入味，特別係萵筍，而且嘢飲都只係便利店價錢！總括而言，是一次非常好的體驗。