Thirty First of May (Closed)

今日去荃灣探個朋友，順便去寵物店買野比隻狗，就係大壩街見到好間好似新開嘅西餐廳，見入面幾多人又幾chill，就膽粗粗入咗去。間餐廳基本上full左，好彩我攞到個corner位。佢有牛扒餐同埋海鮮餐，牛扒餐好似588定598 ，但係我想試吓佢嘅生蠔所以就揀咗海鮮餐。啲海鮮食落都幾有驚喜，生蠔味道幾鮮，隻龍蝦感覺亦都唔係好急凍，而其他貝殼類海鮮質素都唔錯。仲有佢個西班牙海鮮飯，味道呢有小小酸酸地，同出面嗰啲嘅味道有小小唔同，但係呢成個感覺又幾平衡喎，有啲驚喜。雖然我對荃灣呢區唔係好熟，但誤打誤撞之下入咗間整體感覺幾chill ge 餐廳，有小小驚喜。