Video
Read full review
2018-01-27
602 views
自從「維他奶」附近的小食部結業之後，家妹經常希望在土瓜灣尋找到價錢便宜又好吃的雞蛋仔。可惜本人試過兩三間無論平的貴的，質素都差強人意。直至今日放假，忽然想起之前見到有媒體報導過土瓜灣美景街開了一間水準不俗的小小甜品店，一落樓下行一兩分鐘就到了，就去一探究竟。由於快到晚飯時間，所以決定只先試試雞蛋仔。店面真的很細，只做外賣，得老闆一個人一腳踢。雞蛋仔有幾種口味，記得有黃糖，提子乾，肉鬆和Oreo。老闆很友善又好有笑容，我問他推介邊一款雞蛋仔，他都好老實咁話睇客人口味，不過對他來講原味就最食得出雞蛋仔味道，並無刻意介紹一些價格高少少的款式。至於黃糖同一般的原味有何不同，他解釋外面用的是白砂糖，用黃糖的雞蛋仔色澤會較深，不過香味亦較佳。我買了原味黃糖雞蛋仔，等了一陣就整好了。從老闆準備的過程所見，我估他整雞蛋仔未必去到好熟練，而整出來的雞蛋仔有幾粒黐了底要係餅模挖返出來湊合返，賣相上扣了點分數。不過賣相同味道就唔係必然掛勾的，第一啖食落去驚喜地發現超有蛋香好好味！個人認為比個d有名氣的雞蛋仔舖更好，何況價錢親民，一底只需$10，呢個價錢而家想係出面買到雞蛋仔都唔易，何況咁好質素呢！食左幾舊都
可惜本人試過兩三間無論平的貴的，質素都差強人意。直至今日放假，忽然想起之前見到有媒體報導過土瓜灣美景街開了一間水準不俗的小小甜品店，一落樓下行一兩分鐘就到了，就去一探究竟。
由於快到晚飯時間，所以決定只先試試雞蛋仔。
店面真的很細，只做外賣，得老闆一個人一腳踢。
雞蛋仔有幾種口味，記得有黃糖，提子乾，肉鬆和Oreo。老闆很友善又好有笑容，我問他推介邊一款雞蛋仔，他都好老實咁話睇客人口味，不過對他來講原味就最食得出雞蛋仔味道，並無刻意介紹一些價格高少少的款式。
至於黃糖同一般的原味有何不同，他解釋外面用的是白砂糖，用黃糖的雞蛋仔色澤會較深，不過香味亦較佳。
我買了原味黃糖雞蛋仔，等了一陣就整好了。
從老闆準備的過程所見，我估他整雞蛋仔未必去到好熟練，而整出來的雞蛋仔有幾粒黐了底要係餅模挖返出來湊合返，賣相上扣了點分數。不過賣相同味道就唔係必然掛勾的，第一啖食落去驚喜地發現超有蛋香好好味！個人認為比個d有名氣的雞蛋仔舖更好，何況價錢親民，一底只需$10，呢個價錢而家想係出面買到雞蛋仔都唔易，何況咁好質素呢！
食左幾舊都重記得留返少少帶返屋企畀家妹一試。家妹亦同意呢間的雞蛋仔幾有蛋味，聽到價錢後亦頗為驚喜，終於可以食返性價比高的雞蛋仔~
不過，家妹表示甜甜味的雞蛋仔和過往小食部的其實是有些差別。甜甜味的雞蛋仔會偏甜一些，小食部的就是傳統的港式口味～
就個人所感啦，我覺得甜甜味雞蛋仔的甜味係真係比較出，不過個人又唔覺得好膩，反而覺得佢的甜味和蛋香配合得好好，可謂相得益彰～或者咁講，其實佢有少少似在cafe 食到的窩夫個種味道
黃糖雞蛋仔
$10
51 views
0 likes
0 comments
黃糖雞蛋仔$10。唔好意思差不多食哂至記得影
其實呢度的雞蛋仔真係好味，不過今次的賣相差左少少，希望老闆之後繼續做得更加好啦～下次會再試下梳乎厘班㦸～
Post
