聯發茶餐廳

Open Now

Now Closed

喺九龍城行過見到呢間茶餐廳夜晚都竟然滿座，而且價錢又相宜，所以決定嚟呢度解決晚餐～燒味入邊最鍾意食嘅就係叉燒，所以嗌盡晒呢度有嘅叉燒菜式比較一下😆炭火叉燒飯（$88）貴為呢到最出名嘅炭火叉燒飯，餐牌背景有大大個皇帝坐喺度，就可想而知佢同其他叉燒係唔同。呢款叉燒特別厚切，而且半肥瘦，再用炭火燒過。所以除咗燶邊之外，仲會有微微嘅炭火香。再配上特級厚嘅炒蛋，推薦呢款。叉燒滑蛋飯（$78）滑嫩嘅蛋配上鮮嫩多汁嘅叉燒，視覺上已經夠晒誘人。呢款嘅炒蛋係配上咗洋蔥同埋香蔥，再加上叉燒傳統嘅調味，食嘅每一啖都帶來甜蜜的滋味。常餐（$68）嚟到茶餐廳點都要點個常餐食下，最經典嘅茶餐叉燒比較薄，但係通粉湯底好香濃。再配上餐包同埋流心嘅煎蛋，又多款式又可以DIY。