張記小廚

Open Now

Now Closed

早兩個星期，有同事新入職，佢話要做老細請我地食好野喎，就睇下佢帶我地食咩先。我地一行有十一人分車去左鴨脷洲大街，莫講話去，食野都未試過。果到其實好細，6-7張枱左右。第一批同事去到已經飲緊啤酒食緊前菜啦。老細都叫左好多野食。呢碟蜆加湯水好鮮好甜，推介一定要叫！大大隻粉絲帶子，煮得岩岩好。清清地叫碟菜都要既。我同另一個同事都好想食蟶子，好大隻好肉地。黃金蝦！連殻食都得，如果咸蛋多d就好啦。蒜椒鮑魚好香口，唔老。仲有蒸斑，蒸得岩岩好，好滑。點會少得薑蔥蠔，唔算大隻，但好香口。