養心殿台式養生鍋 (Closed)

期待已久馬鞍山新開既商場會有乜嘢食市，喜出望外嘅係竟然有養心殿台式火鍋😄😄所以一於同屋企人一齊黎個熱辣辣既天氣打個麻辣辣既火鍋啦😏😏食火鍋最重要嘅梗係個湯底啦，首先揀個湯底先，我哋揀咗個美人鍋加麻辣鍋😌鴛鴦鍋嘅收費會以最貴嘅價錢黎計～跟住就可以自己揀鍾意食嘅火鍋配料，我發現原來呢度有豬天梯食，呢個比較罕見，不過可惜我哋去食嘅時候已經沽清啦，唯有下次再嚟試過啦😂😂麻辣湯底我叫左中辣，對於我比較食得辣呢，我就覺得還好唔算太辣，但係我嘅屋企人唔係食得辣呢，中辣對於佢來講呢就有少少辣入面附有少量鴨血同冰豆腐，所以可以先食鍋入面既，唔夠再order而美人鍋呢就係用烏雞同埋藥材而成既湯底，藥材味唔會好重但係個湯味好清甜手切肥牛，牛既質地鬆軟嫩滑，我哋兩個人叫咗一碟細嘅牛肉，原本諗住係細細碟，估唔到係咁大碟，真係好抵食😍黑松露蝦丸有淡淡的黑松露味而且彈牙鵝肝墨魚丸中間釀咗鵝肝，有少少食醬爆丸既感覺，咬到中間既時候鵝肝既油香味會散發出黎🙊