Thai Fire

今日本身諗住開開心心預早慶祝母親節餐廳嘅環境都幾好用餐途中發生一件很不愉快的事情事情發生就係，佢上多咗一碟串燒，咁我就check單啦，check單途中，懷疑係佢經理行過嚟發現上多咗一碟串燒，就即刻喺隔離好惡咁問佢同事，做乜上多咗一碟，之後就同我哋講，上多咗一碟串燒，要收返佢，之後又補左句，我哋都係倒落垃圾桶㗎喇。當時我覺得感覺10分唔好受。原因如下：1，我覺得如果你要話同事，可以拉同事去一邊，先再話佢，而唔係喺客人隔離咁惡咁話佢同事，客人係嚟食飯，唔會想接收負面能量。2，你收返碟餸冇問題，之後點處理，其實冇需要同個客講。明白想帶出一點，就係呢碟餸唔會比下一個人食。但係個客聽到，會好唔開心。第一，你寧願倒咗佢，製造廚餘，都唔俾個客食埋佢，處理手法其實可以更好。第二就係態度10分差，上多咗，係你哋嘅問題，唔需要攞一個差嘅態度對待顧客。第三，唔係貪一碟餸，我情願俾錢買嗰一碟餸，都唔想製造無謂嘅廚餘。其實網上已經有好多評語，話啲餸上得慢，同埋會成日上錯餸。其實都深有同感。上得慢其實都冇所謂啦，但上餸次序可唔可以做得好啲？唔好飯都未食完，連一半都未到，就上甜品。同埋既然成日都有發生上錯餸嘅情況，