饗11 (Closed)

週末同先生喺銅鑼灣行街，好一段時間冇食西餐，所以晚餐揀咗位於時代廣場嘅呢間餐廳，主打西餐同鐵板燒。Set dinner比較抵食，我哋揀咗一份4course dinner set同一個pizza，價錢合理。前菜係煙三文魚配上蘆筍，清新開胃，擺盤亦精緻。今日嘅餐湯係南瓜湯，入口口感細滑，透住淡淡嘅南瓜香，質素唔錯。主菜我哋揀咗美國prime肉眼扒，大大份，一上枱炭烤嘅香氣撲鼻而來，要求medium well火候亦掌握得恰到好處，入口肉質鬆化冇筋，肉味突出而且肉汁豐富。配菜方面亦唔失色，薯仔以薯仔粒同薯餅嘅方式處理，呈現出唔同嘅風味同口感，焗蒜同黃椒亦非常可口。Parma ham pizza即叫即整，可以見到遠處嘅師傅喺玻璃窗後製作嘅過程，Parma ham嘅鮮味配上香濃嘅芝士非常合襯，加上少量火箭菜減低膩滯感，餅底厚薄適中，表皮鬆脆内裡帶點香軟，整體好有水準。