和牛割烹小田

Open Now

Now Closed

如果你喺中環搵緊一間日本料理，去和牛割烹小田肯定冇錯啦！廚師嘅手藝非常專業，真係睇得又食得👍🏽！我哋今次就揀咗一個季節Omakase⬅️😋 叫完之後就已經非常之期待啦!首先我自己嘅喜歡呢一度嘅濃縮洋蔥湯⬅️，啲洋蔥味香而唔辣，好滋味嘅豐富口感， 估唔到咁簡單嘅洋蔥湯可以整到咁好飲👍🏽👍🏽。萬願寺燒帶子土佐醋果凍⬅️一出場， 就已經覺得好靚。 而且呢個燒帶子好甜! 鮮甜味道十足夏特布里昂牛排⬅️， 呢一個牛扒真係我嘅重點推介，真係好香好香牛肉油脂嘅味道，完全係入口即溶，喺出面食唔番呢種味道啦至於自家製番茄肉醬芝士小田和牛漢堡⬅️，食得出番茄肉醬嘅新鲜同味道， 絕對唔係普通嘅漢堡包，係用左小田嘅和牛， 非常之奢華好食嘅一個菜式，真正令人一試難忘💪🏽💪🏽💪🏽。總括嚟講，中環嘅和牛割烹小田唔只係一間高質好味嘅餐廳， 而且整體嘅用餐體驗都非常之好，想約朋友或者慶祝特別嘅日子一定要嚟。