Video
Read full review
2024-05-10
826 views
會所1號平時成日都去第二間分店飲茶，今次就試吓佢嘅晚市。兩個人嗌咗三個餸，一個飯，超滿足，食唔晒仲打包第二日帶飯都得。瓦煲豉油雞第一次食呢個配搭，感覺幾新奇，唔好以為牙煲水，就會熟晒，佢都係整得啱啱好，雞肉好嫩滑，唔會太過咸，個汁用嚟配飯一流。黃金蝦呢味餸我哋好鍾意食，去親大排檔都會嗌，嚟到呢度梗係試一試。份量超大碟，仲要有勁多鹹蛋黃，啱晒我呢個鹹蛋黃愛好。啲蝦大大隻，爽口彈牙，配埋鹹蛋黃包裹住。真係飯都食多幾碗。阿蘇粉絲煲見到個名好特別，所以試一試。平時食到嘅粉絲煲多數都係上湯，今次呢個係用炒嘅形式。配料有蝦乾，肉碎，粉絲，芫荽。炒得啱啱好，熱辣辣，唔會乾噌噌。炒得好香，好惹味。最後仲話有紅豆沙做糖水，不過我哋真係太飽，所以就冇要🤣
平時成日都去第二間分店飲茶，今次就試吓佢嘅晚市。
兩個人嗌咗三個餸，一個飯，超滿足，食唔晒仲打包第二日帶飯都得。
瓦煲豉油雞
第一次食呢個配搭，感覺幾新奇，唔好以為牙煲水，就會熟晒，佢都係整得啱啱好，雞肉好嫩滑，唔會太過咸，個汁用嚟配飯一流。
黃金蝦
呢味餸我哋好鍾意食，去親大排檔都會嗌，嚟到呢度梗係試一試。份量超大碟，仲要有勁多鹹蛋黃，啱晒我呢個鹹蛋黃愛好。啲蝦大大隻，爽口彈牙，配埋鹹蛋黃包裹住。真係飯都食多幾碗。
阿蘇粉絲煲
見到個名好特別，所以試一試。平時食到嘅粉絲煲多數都係上湯，今次呢個係用炒嘅形式。配料有蝦乾，肉碎，粉絲，芫荽。炒得啱啱好，熱辣辣，唔會乾噌噌。炒得好香，好惹味。
最後仲話有紅豆沙做糖水，不過我哋真係太飽，所以就冇要🤣
Post
