月山

Open Now

Now Closed

H Queen再有新日料進駐，餐廳佔全層、另設有包廂，午市提供定食或廚師發辦兩種選擇。電梯門一開，巨大嘅木船映入眼廉，可置身於木船上欣賞及享用廚師發辦；如果揀定食，則會安置於旁邊大枱，同樣坐得舒適。除高檔裝修外，餐廳服務質素亦值得一讚；店員會細心留意客人需要以及反應，即時提供協助，亦會於上菜時詳細介紹菜品，令客人於用餐過程更有代入感。中午時間有限，於是決定先試試餐廳定食。價錢 由$268到 $558，有海鮮刺身、燒魚、煮魚、天婦羅、鰻魚、和牛燒等生熟紅白肉配搭。定食均配有前菜三款、湯品及甜品，前菜為兩款涼盤（拌菇菌 付柚香白蘿蔔蓉 、梅子凍）及一份茶碗蒸。果凍質感似大菜糕般結實爽彈，裡頭嘅梅七分甜三分酸，不過於酸澀又開胃。茶碗蒸滑溜水嫩，加入蟹柳絲及草菇增加口感，蛋香唔明顯，不過不失。同事嘅特上金槍魚丼 ( $438 ) ，如雪糕球大嘅吞拿魚蓉、赤身醬油漬，以及憑肉眼可見嘅均勻油花就能想像到有幾軟熟嘅中大拖；粉嫩色澤已令人垂涎欲滴。我揀嘅呢款月山海鮮丼( $438 ) 絲毫不失色。刺身種類繁多，堆砌出如畫般的多種色彩，賣相與鮮味兼具，有淡味嘅油甘魚、鮮甜嘅甜蝦同海膽、紮實經燻香嘅鰹魚、